|
بوابة متاهاتي
تحية ملؤها الطهر
أنا يا منبع أحساسي غديت بدنيتي حطاب =أدور عن خشيب ٍ لاشتعل يحرق لي أهاتي أنا من كثر مآ أحْرِق من الآهات صرت ارتاب=أخاف إن الرماد يصير بوابة متاهاتي أخاف أصدق ويلفي من يقول إن الفتى كذاب=وأخاف أكذب ويلفي من يصدق في مباهاتي أنا يا صاحبي لو قلت باخذها على الأسباب=ألا يا كبر هقواتي ألا يا كثر شرهاتي إذا منِّه تعرى الكتف باخذ لوعتي جلباب=وبكتم ونتي وأخفي على شرواك تنهاتي يقولون الزمن بيعلم الجايع يحد الناب =وأنا ما حد ناب الحقد وأدل اتجاهاتي أنا وش قيمة إحساسي إذا وجه المحبه غاب=وأنا ما استبدل إسعادك بحفنه من كراهاتي صحيح إني من الامي عجزت آجمِّع الأحباب =ولكني قدرت أثبت لعدواني نزاهاتي تقبلوا تحياتي سعيد الغامدي |
الغالي الشاعر سعيد الغامدي الله يسعدك ويوفقك لما فيه الخير يسرني ان اكون اول المصافحين لقصيدتك اللتي تزخر بجزالتها بما تحويه من مضمون ومعاني ومفردات وصح لسانك وعلا شانك يالغالي وتقبل تحياتي |
صح الله لسانك واعتلا شانك اخوي سعيد صراحه ابيات عذبه من شاعر مبدع وتقبل مروري اخوك مشبب الدوسري |
صح السانك واعتلاشانك
الاخ سعيد الغامدي كفيت ووفيت ياالنشمي جزلة من شاعر جزل ومتمكن دمت ابداعا وتألق تقبل مروري ولك اجل تحية |
اقتباس:
أخي سفير المعاني حضور مليئ بالنور أقدر لك هذه المشاعر شكراً لك من القلب أتمنى أن أكون دائماً عند حسن الظن صح قلبك وفكرك تقبل تحياتي |
الأخ الكريم سعيد الغامدي
هذه القصيدة بديعة ولاشك.....هناك تمكن واحترافية وهناك تكنيك شعري واضح المعالم ومكتمل النضوج.. إذا منِّه تعرى الكتف باخـذ لوعتـي جلبـاب وبكتم ونتي وأخفي علـى شـرواك تنهاتـي في الهذا البيت يتضح التمكن والشخصية الشعرية...ربما اعود لقراءة تفصيلية ان سمح الوقت ان شاالله شكرا خالد |
الشاعر / سعيد الغامدي
قصيده كالسحاب الهاديء جميل حد الألق .. لك الورد والريحان والكادي . |
صح لسانك واعتلا شانك
|
سعد الغامدي كلها جميله يقولون الزمن بيعلـم الجايـع يحـد النـاب وأنا مـا حـد نـاب الحقـد وأدل اتجاهاتـي صح لسانك تحياتي |
سعيد الغامدي
صح الله لسانكـ تقديري |
| الساعة الآن 04:13PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية