شبكة رهب الأدبية-ريما محمد السديري - حلـــم للشاعـر هاااوى


	قصيـده اعجبتنى للشاعـر هاوى نقلتها لتقرأوها معى .... تعال وأسمع ماحصلي بالاحلام = خلك معي وأسمع نهاية كلامـي حلم (ن) حلمته صـار له عدت أيـام = مامر قبله في جميع الانامي رهبة . ألم .حيرة .فكر. لحظة أقدام= فيها أبتداء دور القرار العصامـي الا بـقولـه لـو هـو الآم بألآم = هـاتـه وعده واحد(ن) من ألاااامـي جرح الآلم ارحم من اعيش بأوهام = عشت بوهم وانا بسن الفطامي في داخلي عالم مجاريح وأيتام = وفي ظاهري عزه تناسب مقامي بى نزف لو ابوح سره لاقلام= كتبت به أسم(ن) فوووق أسامـي بس انت جب افظل مفسر للاحلام = وقله ترا هالحلم يبقى اهتمامي لانه ماهو عادي وانا اظن منلام = كم لي وانا احلامي توفى امامــى قال قل حلمك بس لاينقص اغرام = عطني تـفاصيل الحدث بتـمـامي قلت له. أشوفه جاء من قبل لا نام= غمضت بعيوني وشفته أمامي شفته ملاك ولابس الحسن هندام = شفته غزال وذيره صوت رامي في ضحكته احلى تقاسيم الانغام = وفي مشيته يشبه لريم العدامي وفي وقفته هيبة زعامه وحكام= وفي نظرته موعد وعشق وغرامي في رمشه الايسر مظاليم والاعدام= وفي رمشه الايمن عدالة نظامي تبيني أشرحلك عن الثغر مدام = غرد له القمرى وطار الحمامي لا خاتم سليمان ولا كل الاختام = يامفسر احلامي على الحرامي انه كما شمس(ن)تحراه صيام= ولا جورى الطايف ولا ورد شامي اما النحر والخد قطعه من الخام = شمس(ن)بدا عنها يزيح الغمامي ولأ الجسم مربوع مابين الاجسام= مربوعة القامه على مايرامي نجدية الطله من التام... لتام = كنه زعيم (ن)قلدوه الوسامي اما مكان الملتقى اعتقد عام = خضره . وماء .وجه بدر التمامي فيه الثلاثه من بعد دين الاسلام = جنة نعيم وفندت بالاسامي وفيه انتهى حلمى وحرمت مانام = الا اسويها مسلسل درامي وفي نظرته بانة علامة أستفهام؟؟= وسكت لا فقد قيمتي واحترامي وسادت دقيقة صمت مدرى استرحام= او كان ياستغفر عظيم الاثامي الحظه هاذي التفت يمي شمام = ياكثر مادخلك مار انت كامي الناس بالدنيا شياطين وكرام = ليتك تعرفه يالفتى من عوامي!!! قلت سم واصل هرجته فى هدوء تـام = أرواح يأمرها عزيز المقامي للعلم فى ما بينكم مشترك هام = قلت أه؟؟ كمل بس فيها ابتسامي هى داعيه؟ .. قلت شاعره..ابتسم قام = وصل لها دعواتنا والسلامي هذى الله اعلم انها مصدر الهام = أشوفها بحر(ن) من الموج زامي وشفتك قلم في صدرها يكتب ارقام = والرقم رمزاً للعلو والتسامي ذي ساميه وانت اسمع العلم ياغلام = هى ساميه وأنت بمباديك سامي قلت العفو ياشيخ .. فى لطف وكرام = أقبل تـحياتـي وجـل احتـرامــي وأقـول في نـفسي انا زيـن الاحلام = مدام تـفسيره علي مايرامــي