لي مدتن نوم عيني خطف واسراقه=كثرالسهرمتعبن حالي ومرهقها
لاقفى شعاع السفرثم غابة اشفاقه=تارداهمومن ظلام الليل سايقها
علي تركم بلياحدمنساقه=الناس ترقدواناابلش في مصافقها
في شرهن لين يبداالصبح باشراقه=كن الضمايربهاالضيان تحرقها
اكلي من العيشه الياحطت اذواقه=الكبدقدادهاخطرن يشققها
صبرت صبرن تعداالحدوانطاقه=حضي سعة صدري ازرالايحققها
اعلن زماني اعداه وشين اخلاقه=علي سودالمصايب قام يطلقها
علي سيطروقام يضيق اخناقه=له نيتن ناوين فيني يوسقها
واناالقدرواثق انه بامرخلاقه=رب المخاليق محصيهاوخالقها
اباشتكي له اجلال الهم وادقاقه=ماغيره احدن رجيت انه يفرقها
كم واحدن وصل حبل الشنق لاعناقه=فرج له الله وفكه من مشانقها
عني يفرق ثقيل الهم واطباقه=متجودن بالحبال اللي موثقها
نفسي عزيزه وللطولات سباقه=اهل الوفى عيدقلبي يوم ارافقها
دايم ونفسي على اهل الطيب مشتاقه=في غربهاوالجنوب وفي مشارقها
احب من ضوح ناره لاح شعاقه=ناره قبل في قدوم الضيف شاعقها
مالزنفسي مع الماشين واعلاقه=ماكل ناسن تجوزولااتشفقها
راع الردى عايفه والله مااطاقه=بيبان ودي لك الله عنه مغلقها
واللي يكن العداوالحقدباعماقه=سودالنواياعلى ربعه يسوقها
دايم بهرجه حذرلاتكشف اوراقه=السالفه قبل يرويهاينسقها
لونوروجهه يشعشع لك تبرياقه=بالزوردايم اعلومه لاتصدقها
واللي يدورعلى الشهره من انفاقه=في مدته تدري العربان لاانفقها
هذالك الله وشكله عيدي افراقه=السكه اللي مشافيهابفارقها
اباتفله تفلة المسلول لارياقه=نفسي على الساقط ارفعهامادنقها
والختم اصلي عددمالاح براقه=على من ارسالته ثبت بيارقها