|
قصيـدتين .. أتأمل فيها أعجابكم
السلام عليكم ورحمة الله يسعدني أن أقدم لكم آخر ماكتب ولو أني أميل للنقد أكثر من كتابة الشعر .. ولكن يشرفني أن ألبي رغبة الأستاذ الغالي / خليل العجاج بقصيدتين . متأملاً أن تعجبه .. وتعجبكم جميعاً . [table1="width:85%;background-image:url('http://www.rhb-reema.com/vb/mwaextraedit2/backgrounds/39.gif');border:4px double black;"] | [/table1]غيرت وجهة نظر ماكنت عارفها .. الا بعد ماعرفت اني على فالي ماكنت اناظر وانا اللي كنت شايفها .. الصوره اللي ملامحها على بالي وش عاد ينفع معاها لو أزخرفها .. طاحت بعيني بعد ماكانت بعالي حقيقة الوضع أكبر من سوالفها .. وشلون الاول غدا في عيني التالي وشلون منهو اشوفه في مشارفها .. يمشي ودربه مع العذال ميّالي الوقت يعرض خفاياهم ويكشفها .. ولافيه قول(ن) على ماقيل ينقالي بعزف على الحرف في ذكرى مواقفها.. وبغني احساس مواله وموالي بعض الحقايق تحزن من يصادفها .. والبعض الآخر يجي من مرها حالي ولاشافت العين شي(ن) مايشرفها .. ماتلتفت له لو انه دايم اقبالي : : القصيده الثانيه : [table1="width:85%;background-image:url('http://www.rhb-reema.com/vb/mwaextraedit2/backgrounds/25.gif');border:4px double black;"] | [/table1]ألتفت حولك .. وحاول تنتبـه !! .. كل شي بأولوياته أصول ماحسبت حساب منهو تحسبه .. والأصابع بين قصر وبين طول كان لك راي(ن) معايه اسحبه .. أنت مايحتاجلك بالراي قول أنت أسمك من حياتي بشطبه .. منت كفو اللي على فكره يجول انت وينك وين منهو تطلبه .. وانت مالك في نظر عيني قبول أبتعد كل الأماكن مضربه .. والمسافه ترفض اراء الحلول الوصل صحرا بعيني مجدبه .. وقلبك الممحل يخليني عجول مابقالي شي منك استغربه .. مسرحية طيش من عدة فصول أتسائل بك ومالقى أجوبه .. مثل صوت الناي مع قرع الطبول ياسفاهة قلبك وماأكذبه .. مالقيت بوجهك أحساس(ن) خجول كنت اشوفك غيرهم مالك شبه.. كنت احس انك من الخلق معزول واتفاجئ أن حبك تجربه .. عمرها فتره ولا فيهـ ـا ميول ماعرفت احساسي وشلون اكتبه .. لاتبسم وجهي وقلبي زعول وسلامتكم ..:r: |
الغالي الشاعر والناقد س ـاس الله يسعدك كما اسعدتني قصيدتين رائعتين لاتحتاج رايي فيها لما تملكه من قدرة فائقه بالنظم والدقه بالمعنى فانت شاعر متمكن ونتمنى ان نستقي من نزفك الشعري فاهلا وسهلابك وبما خطه يراعك وصح لسانك مدد بلا عدد ولاهنت وتقبل تحياتي |
قصيدتين رائعتين صح لسانك وسلم احساسك صياغه رائعه وتسلسل جميل ياخذنا معك تقبل مروري واعجابي كلـــــــــــ الحبــــــــ |
هلا وغلا والله بالغالي ساس باختصار اقول لمن لايعرف ساس انه شيخ وابن شيوخ وشاعر ولد شاعر وسيفصح عن اسمه بدال اللقب في الايام القليله القادمه .. القصيده لاتعليق عليها لأنها مهداه الى استاذي واخي خليل العجاج وتلبية لرغبته فهو الملزم بالرد عليها لك مني الشكر والتقدير يالغالي اخوك خلف |
جميله طال عمرك هذه الدرر
صح لسانك ملايين |
اقتباس:
: الشاعر القدير .. سفير المعاني صح بدنك .. وسعادتي بماقرأته منك لاتوصف :) شرفتني بهذا الرد .. الله يشرف مقدارك وشهادتك وسام فخر أعتز فيها . تحياتي وتقديري لك . |
حقيقة الوضع أكبر من سوالفها .. وشلون الاول غدا في عيني التالي وشلون منهو اشوفه في مشارفها .. يمشي ودربه مع العذال ميّالي الوقت يعرض خفاياهم ويكشفها .. ولافيه قول(ن) على ماقيل ينقالي بعزف على الحرف في ذكرى مواقفها.. وبغني احساس مواله وموالي بعض الحقايق تحزن من يصادفها .. والبعض الآخر يجي من مرها حالي ولاشافت العين شي(ن) مايشرفها .. ماتلتفت له لو انه دايم اقبالي شكراً للمميز خليل العجاج الذي أهدانا نحن قراء منتدى رهب شاعر و شاعر رائع ومميز بحجم المبدع س ـا س صح لسانك أخي العزيز على هذه الروائع وفي أنتظار جديدك دائماً |
سـ ـا س نص سلس ومعقد بنفس الوقت تعمقت في محيط الشعر و ابهرتناا في درر المعاني اجزلت ولاا هنت مع كل الود جاايز |
وإن كنت أرى أن الابداع له كوامن في نفس من يجيد أي فن .... فإحساسك المتدفق بقوة كان هو الحكم والناقد بل والدافع .. قبل اي شيء ... إلا أن الأستاذ / خليل العجاج يستحق الشكر على اخراج جوهرك لنا بتحفيزك .... تقبل احترامي ... |
.
. . ساس أنت تصب الشعر .. كي يشرب غيرك .. نهر عذب تدفقت منه تلك المعاني وتلك البلاغه .. وأيضاً قلم ناقد إذن سنستفيد منك كثيراً هنا ... أيها المبدع .. نطمع فالمزيد ... وسجلني معجب بما تسكب ليرتوي عطشي ... دعواتي لك أخي الكريم بكل ماهو جميل ... . . . |
| الساعة الآن 09:38PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية