ودي أجيك بكل أركاني = لان الجفا كله بأركانك
وان المحبه تاج سلطاني = وانت القسى تاجك وسلطانك
يعني على بالك وتنساني = وانت الوفا أصلك وانسانك
سبحان من أضحك وبكاني = وسبحان من كحــّـل لك اجفانك
وردك سقيته صار بستاني = وانا ذبل وردي ببستانك
نهرن من الأشواق اجراني = مكسورة الخاطر بجدرانك
اليوم ترضى وتزعل الثاني = وانا ضحية يوم طوفانك
كثر الزعل منك واعياني = وانا الي ّ مذبوحن بأعيانك
هذي شمالي وتــَــيه أيماني = وقبل احلف ودي حلفانك
خليك منصف لي وحقاني = يعني انا بس الي غلطانك
البحر بحرك وين رساني = والليل شعره نبض وجدانك
من غيرك العزي ّ وسماني = عطر الندى طيبك وريحانك
حلو الزمن فيكم واهداني = كلك عسل حتى بنيرانك
يا خير من صبــّـح ومساني = المسك يجري وسط شريانك
من بين كل الناس وحداني = وحدك وقلبي ذاب بادمانك
كنت احسبك مهره بميداني = عجيب كيف امسي بميدانك
لولا احبك كان ما اسباني = قيدك ولا انا خلف قضبانك
ما كان شي في الكون بقاني = من وقتها أعلنت عصيانك
ما غير بعدك بس بكاني = وما غير وصلي يمحي احزانك
القرب وحده بس احياني = والصمت طبعي يوم هجرانك
حتى الوطن ما عاد باوطاني = قلبك وطن واحيا بأوطانك
باجيك ما احمل غير اكفاني = لا .. مت فادفني بأحضانك

الغالي
الشاعر
ميلاد اليماني

اهلا ومرحبابك وما تحمله

قصيده جميله غزليه رائعه

انت شاعر متمكن ورئع

وصح لسانك وعلا شانك

وتقبل تحياتي