|
ضيف الرصيــــــف " جلوس أول ! "
السلام عليكم ... الوجود بين النخبه .. مشرف .. ومشرف ... وانا هنا من قبل دعوة أخي الأكبر محمد الحارثي ... والمكوث بجوار ابداعكم .. الجميل .. وخصوصاً .. ان هذا المكان يحمل اسم شاعر وامير سجله التاريخ وسيبقى يقرع ذاكرتي .. وسيبقى تمثاله قابع في حنايا مؤيد للأبد .. الأمير المرحوم / محمد السديري .. ارجو ان اقدم ما يليق .. فالفقير انا .. لا يملك ما يملكه الاغنياء .. واعني غني الفكر !! فالرجل بلا مال رجل فقير والأفقر منه رجل لا يملك سوى المال .. !! ... المحب لكم أنا .. والشكر لمحمد الحارثي ولكل نبض .. سيمر من هنا .. . . السلام اللي صدقْ كف السلام .. ! .... للكذوب ! اللي حكى بظهر ! الشريف .. ! . ... جفّت غصون السوالف يا كِرام ...... ! .. وانكسربي .. عذق ووشاحي خريف ........ ... ... يمّـه ادري البرد هو بيت العظام .. لي زمن يمه وانا ضيف الرصيف ... !! . . وادري انه يخنق الشارع زحام !! .. وادري انك يالصدر .. مانتــه ضعيف .. السؤال ان كـان باقي .. احترام .. ! للضمير .. الحي .. للنبض .. الرجيف .. !! .. للسؤال اللي طعن صدر .. الحمام .. من قتل .. روح .. العفيفه بالعفيف ... !!!!! .. ... صاحبي .. والصبح اصبح لي ظلام .. صاحبي والليل .. ما عاده .. كفيف .. .... صاحبي والقلب .. مــا يعـرف ينام .. الملام الجوع والطعنات ... ضيـف .. ... ! التعب .. هذا .. ألذ .. من الغرام .. والزمن هذا .. وسخ .. ما هو .. نظيف ... !!! ... ..... ! والشعر ان ما يريحني .. حرام .. والحرام .. ان الشعر يصبح سخيف ... !!!! .. .... !! والله الله بالصــلاة .. وبالقيام .. ! .... كـلما صليت !! طهّرت ... الرصيف .... !! والله الله .. بالزكــاة وبالصيــام !! ... كلما ! زكيت .. !! اطعمت ... الشريف ... !! و هذا بابي يا حبيبي .. اوصده في وجيه غيرك إلا شعري يا حبيبي .. اكتبه ويقراه غيرك .. وهذا غيرك ما عرفني .. ! كذاب من قال شاعر .. !! ماني شاعر .. لو كتبت بإحساس شاعر انا ما عندي مشاعر ...... ! و انا صادق ماني شاعر !!! احفظي اسمي وقولي : ماهو شاعر .. للبنات ! لا ولا للمال شاعر .. !! دام من حولي اسامي وكل اسمٍ .. له نصيب إلا انا صاير معارض .. دام اصدقهم حرامي ... ! احفظي كل الأسامي ! وانسي اني كنت شاعر ........... !! و أشـوف فـالشـارع نمـل .............. ياكل بقايا ... الـ( ابريـا ) واشوف فـالشاعـر كسـل .............. يخاف يشتم .. ( .. اوليـا ) وامور تتعدى الجهـل .. ! .............. والجهل " مال " .. الاغبيـا والموت يعني لي أجل !! .............. هذي أمــانه ... اوصيا !!!! اجل هزل قلي أجل .............. اقفل المحضر ... ذيـا .. !!!! اروح اكـذب فـي عجـل .............. الديره .. هذي .. اغنيـا ! لا عاد تسأل وش حصـل ؟ .............. خلني كذا خلنـا .. اخويـا خلنا نسولف بالجهـل .. ! .............. تعال ونغازل ... هيا !!!!!! اثنين واحدنا خبـــل ... .............. ماهو أنا .. يا أشقيـــــا !! بأتيـه من بعد وقبل !! .............. ودروسـي بـس للأذكـيـا ...!! الأمه أغلبـــها غزل ... !! .............. أمـــا .. البقيـــه اتقيا ... !! وادري أنا وين الخلل!! .............. ( ......!!!!!!!!!!!!!!!!!!..........) !! شوفوا وجهي وش حمل !!! .............. يثور في وجهي ضيـا ..!! ولا تنشدوني مالعمل ؟! .............. الجهل ... حكم !!! الأثريا ..!!! ويا معجبه مالك أمل !! .............. أنا ... هنــــــا للأبريا !!!! هي شافتن بين الجُمل .... ! .............. قامت .. وقطّـت هالحيـا !! وانا رجل مالي .. رِجــل .............. تسوقني ...... ! لهذي وذيا !! قـد كـنت احكي للأهـل .............. واقول .. وين الانقيـا .. !!!!!! وفي يوم قالوا ... والنمل ؟ .............. !قد قلت .. يكفيهم ... ريا !! !! اخوكم / مؤيد الغريبي .. حائل .. |
كان لي الشرف أن أكون أول المعانقين لهكذا إبداع / برفقة الشعر واللغة التي تأسر القلب / مؤيد الغريبي / جئت إلى هنا لتضيء المكان شعراً / فكان لك ما أردت /
دمت بهذا الجمال ... |
الغالي الشاعر مؤيد الغريبي اولا احييك بما يليق بك واشكر الشاعر الفذ محمد الحارثي على دعوتك واشكرك على تشريفنا بمنتديات رهب كما لايفوتني ان اشيد بك وبمقدمتك وايضا قصيدتك اللتي ترمز لعمق فكرك وقوة شاعريتك بما تحمله بثناياها من معاني جزله وما تتصف به من تجارب فانت شاعر متمكن وما يجي من الطيب الا اطيب فاهلا بك وصح لسانك وعلا شانك مليون وما يكفون وتقبل تحياتي |
شاعر جزل ومتمكن ومبدع
تحياتي |
عليكم السلام ورحمة الله وبركاته
مؤيد الغريبي جلوس اول في قلوب محبين الشعر الحقيقي والابداع حياك الله وبياك في منتداك منتدى الابداع والرقي منتديات رهب الشامخه اسعدنا تواجدك من بينا ونأمل ان يطيب لك المقام لنقضي اسعد الاوقات وامتعها برفقة الشعر والابداع الحقيقي نورت المنتدى وشرف لنا وجودك من بينا الف شكر لتلبية الدعوه والشكر موصول لأخي الغالي الشاعر القدير محمد الحارثي على دعوته الكريمه للمميزين امثالك صح احساسك ولسانك وعلا شانك وبانتظار جديدك دوماً هنا.. تحياتي وتقديري لك |
محمد الحارثي .. انزلق على نهر الحروف لأصنع كرسياً من نهر .. مخبراً اياك انك روعه في الحضور . . وروعة في الدهشة يا صديقي . . سفير المعاني . . المهلي ما يولي . . ووجودك هنا دافع لان اكتب الجميل لك .. وللجميع . . ارجو ان اكون كما تحب . . وتريد . . كن بقربي . . يا أخي كامل الأوصاف . . والجزل والشعر . . انت . . انت . . وبس . . :) اخوك خلف الشلهوب .. ومن اين ابدأ .. ( يخرب بيت حضورك الخطير ... !! ) ... انت تربك ... وتربك .. قلمي . . كيبوردي . . عالمي . . وجودي مع النخبه . . فخر . . ودعنا نرتكب الشعر يا صديقي وتعطلت لغة الكلام بوجودك .. اخوكم |
| الساعة الآن 03:36PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية