زوجوها قبل لا تدعي عليكم = قبل ما يذبل بها .. زهر الربيع
قبل ما تصبح ضحيه من ذويكم = ترخصو فيها كما غلّه وريع
كم تردوا خاطبن فيها يجيكم = تسألونه كم من امواله يديع
حتى أبن العم ذي منكم وفيكم = لو فقيرن تجرحونه بالوجيع
وين شرع الله في حكمه عليكم = وين من ترضون دينه عن وضيع
وينكم من كل ما وصّى نبيكم = وينكم من حسن فعله والصنيع
زوجوها قبل ما تبكي عنيكم = دام ثوب الستر جاها ما تضيع
لا تخلوه الطمع غفله يطيكم = ويلّكم من فعل سويتوه شنيع
تجنوا بالأطماع ما تبت يديكم = تحسبون المال في لهفة جشيع
زوجوها يعني لازم تحتريكم = يعني لازم صوتها .. بثه يذيع
بالطناش الله لا قال يبتليكم = في طباع البنت تفهمها سريع
فسروا لي ليش قولة ما نبيكم = ويش عيبه لان رزقه مو.. وسيع
لان ما يملك مطالب تي .. وتيكم = لان ما عنده سوى راتب وديع
لا تزوّجها بشايب يشتريكم = لا تصير منكور وينكرك الجميع
في سواد الليل يا ما تشتكيكم = للذي عالم بكم داري سميع
كم تبوس اقدامكم كم ترتجيكم = كم تقول يا بوي بنتك لا تبيع
لا تخلي الذنب مني يبتليكم = لا تموتني وانا حيه بقيع
كيف ترميني وعيني تستضيكم = وانا لحمك ما انا شي ٍ في قطيع
رحمة ٍ بيّا ويرحم والديكم = لا تكلف نفسي ما لا تستطيع
هِن وجاة النار يوم لا شي يقيكم = من حساب ٍ اصغر اوصافه فضيع
هِن من الأهوال حضنن يحتويكم = هِن نجاتك يوم لا حصنن منيع

الشــاعــر القــديـر ميــلاد اليمــانـي

صــح لســانك وإعتــلا شــانك
علــى هــذه القصــيدة الـرائعــه
أبــدعــت بكــل معنـى الإبــداع