كثرة على الشعروجهات النظروالخصام=اشوف الاقلام قامت به تحط وتشيل
وجهات الانظاراقدرهابكل احترام=والناس صعبن ارضاها بل من المستحيل
ياسامع القيل لك مني جزيل السلام=ابااختصرلك ومضمون المعاني دليل
وجهة نظرقولهامافيه عيب وملام=ثقافة الشعرتاريخن عريض وطويل
ثقافة الشعرماهي فلسفه بالكلام=ثقافة الشعرمثل البحرغبه امهيل
جزله مع الناس له قدرووقارومقام=ولاكل من غاص بالغبات يلقى حصيل
الشعرمثل الذهب يحسب بوزن الجرام=مهوب موضه لها في كل عامن مديل
جزله اسواة السفروالهزل مثل الضلام=ماقدتساواكديش الخيل هووالاصيل
لابديحضى من الشاعربكل اهتمام=يرفع اجزال المعاني عن مقام الهزيل
ومن لاحفظ واجب الموروث عبرالانام=وساقه على نهج الاسلاف المجيدالنبيل
وخلى مضارب معاني جابته كالسهام=يترك مجاله ويخلي للمعاني سبيل