يا زين حتى العين من بعدك تعذرها الكرى=إلى متى وأنا على جمر انتظاري محتري
اصبر عشان اكسب رضاك وما تزيد إلا زرى=سويت فيني شي ما سواه حتى المفتري
ماقد جرى دمعي على خدي ولكن لك جرى=وليتك تقدر دمعة عيوني وتجبر خاطري
ما هو بحق تجازي إحساني بكيد ومنكرى=لك الله إني من ظنونك واتهاماتك بري
أنا بعيد عن الزّلل بعد الثريا ع الثرى=ايوالله إني فرحة العاني وسعد المهتري
شامخ كما نشوان بارض التهم وأقسى من كرى=وأقوى على قلب المعادي من طعون السمهري
ماني بذاك اللي في عيون الخلايق مزدرى=شاعرك يا حلوه بتفكيره وبشعاره ثري
عليش هذا الصد وعليش الجفا ماذا جرى=ما كان قولك حتى لو أفنا بصدرك مقبري
أنا تعبت من الفراق وزاد قلبي جمّرى=من لهفة أشواقي شحب حتى ملامح منظري
تعباتي أخفيها بصدري كي لاتظهر للورى=ولا ادري إن اللي دري عن جور ما فيني دري
يا صاحبي لو جاك نصف اللي حصل لي ياترى=تصبر على زلاتي أو تطعن بوجهي وظهري
تبغي الحقيقة ما وطت رجلي تراب أم القرى=إلا وعيني دمعها يجري على خدي جري
أما ويا برق الجفا لوح بنورك واجهرى=وإلا يا غيمة وصلنا هلي علينا وأمطري
تعبت وأنا كل ما طيفك على بالي طرى=تلوعني الذكرى واحن لوصلك وما أحداً دري

صح لسانك

ضيف الله

الله لايهينك

نورنا تواجدك اخي العزيز

لك اجمل تمنياتي