شبكة رهب الأدبية-ريما محمد السديري - الســــــــــــــــــــــــــدارى ؛كل الســــدارى؛

الحمدلله والصلاة والسلام على رسول الله وعلى آله وصحبه أجمعين
أخوتي أواتي اضع بين يدكم هذه القصائد التي قيلت في عائلة السديري المعروفة وهي قليل من كثير
وكلها للشاعر غانم الميع
قال الشاعر غانم اللميع في عائلة السدارى الكريمة :

هم الامـار ويانعـم الامـارا .حكمهم عدل وشفنا له دلايـل
حكمهم عدل مايحب المبـارىشاهديـنٍ بـه كـل القبـايـل
قبل ياتونهـم نـاسٍ فقـارىوصاروا اليـوم تجـارٍ ثقايـل
كل من جيت من الاحمد خيـاراابو عبـدالله كسّـاب النفايـل
كل هالنـاس عيـالٍ للعـذارىمير الافعال تفـرق بالجمايـل
مثل فرق الحرار مـن الوكـارايفرق الحر بصيـده للجلايـل
مثل مايفترق خيـلٍ وشهـاراباللـوازم يعانقـون الاصايـل
مثل مايفتـرق ليـل ونهـاراتطلع الشمس تشوف الليل زايل

قال الشاعر غانم اللميع في مدح الامير عبدالرحمن السديري :

ياراكب اللي طـار لـولاه مقضـوبمـدري رســن بلـيـا العنـانـي
ماشوف له ركبه ولا شوف عرقـوباشـوف محّـالا بلـيـا سـوانـي
مركوب ماضنـي يشاديـه مركـوبالا الطـلـق لاثـوّرتـه الامـانـي
ملفاك بيـتٍ شمـال ابـن شلهـوبعلى الطرف مبنـاه لاجـل المبانـي
بيـتٍ كبيـر وللدياويـن مرغـوبومن خف نفسـه يتبعـون الليانـي
يم ابو فيصـل ماعطينـاك مكتـوبلازم توصـل لـه قرايـض لسانـي
ياراسل يامرسـول تـراك منجـوبلازم تجيـب العلـم وانـا بمكانـي
ياميـر والله مانقاطعـك بالـنـوبولا اقدر على هجرك ولانـي مدانـي
كل السدارا هجرهم مهـو مرغـوبانا وغيـري منهـم النفـع جانـي
ولوا انّي ابي اسالك ماني على صوبما امداني انسى طيبكـم والحسانـي
يا اللي لبست المرجلة لبست الثـوبتزهـاك وتقبلهـا بكـل المعـانـي
كحيلان بكحيـلان مافيـك عـذروبمادشّكـم بالاصـل هطـل الاذانـي
ذبّاح من حطـو بهـا كـل دبـدوبتباعـة الراعـي لزيـن الاغـانـي
باطرافكم يربـح بهـا كـل جالـوبخادمـك يشريهـا لحـد الصيانـي
يوم الردى ماله على الطيب ماجـوبيشين وجهه كـان شـان الزمانـي
والطيب صبر ومثل الاطماع مكسوبايـام والاخيـره العـمـر فـانـي
ياللي رفعت الضر عن حالـة ايـوبتجعل لهم باطراف نعيمـك مكانـي

وقال غانم اللميع عندما حضر احدهم للامير محمد السديري موجه القصيدة لرفاقه :

انا لكم ياهل الركايـب بشيـريوانتم عليكم تبذلـون البشـاره
انا مبشركم بقصـر السديـرياشوف خشمه نايفٍ تقل قـاره
هو منوة اللي واصلين العصيريكم حايلٍ يلقون صاحـن فقـاره
يازيد عمك يوم قيـل الاميـريعز الله انه هو زبـون الامـاره
عبد العزيز اللي لضيفه عشيريظمانةٍ بالـروح ماهـي قمـاره
شيخ الحدود اللي عليهن مديريعوق العديم اللي بعينه نمـاره
والمال لو انه يطيع المشيـريما صار لناسٍ مايعرفون كـاره
ودك ملمه عند مثـل السديـريرجلٍ على الدربين باقٍ جـداره
اللي يجونه مثل ورد وصديـريالشرقي والغربي كثيرٍ سمـاره
ناس تصبح تابعيـن الخميـريورد وعلى هداج مالحق قـراره
ويقول ياصياح حطـو كثيـريلاتحسبون الربح هو والخساره
ياخالق الضبه لموسى ينيـريتفرج لعبـدٍ ماشـيٍ بعتسـاره
الله ميسرهـا لـراع اليسيـريومعيّش الداب العمى وسط غاره
ماكر حرار وبه طيورٍ تطيـريصيارمٍ ما هـو قريـبٍ طيـاره
ان جيت محمد مابغيت المسيريترغب ولا ودك تعـدى جـواره
مناخته ياما بها مـن بعيـريوبالقحط تجذب ساري الليل ناره

هذه احدى القصائد التي يرد فيها على الامير محمد السديري :

يابجاد شـب النـار وادن الدلالـييوم الاناثي مكهفات علـى الـراس
وادغث بهـا يابجـاد بـن كمالـيهيلٍ كثيـر وعارفينـه بالاقيـاس
ينام اللي قلبـه مـن الهـم خالـيلوازمه غير العشـا نـوم ونعـاس
ماشاحلـن قلبـه سـواة الادالـيعلى قليـبٍ جـارعٍ كـل الانفـاس
تواركـوه البـدو عقـب المحالـيخطو الرشاء يجيه من ذاك لـولاس
النـار لهـا بالضميـر اشتعـالـيماله ضوى يابجاد غيـر الاونـاس
اللي جرى لـك ياسنافـي جرالـيياشوق من تزهى جديدات الالبـاس
ليّـه عشيـرٍ خابـره قبـل غالـيماتِهّمت مثله بالرديـه والانجـاس
اول مافنيلـتـه مــن حـلالـيوثنيت عنده يوم الاريـاق يبّـاس
على لزومـي جـث كـل الحبالـيواصبحت انا كني واحدٍ يطبخ الفاس
يبي مرق مـن لـه قـراحٍ زلالـينارٍ تلضى وقدرها قال قال انا نحاس
الطيـب مالـه ضيعـةٍ بالرجالـييضيع مابيـن الثعالـب ولا بـاس
ولا خاب ضنـي قلـت ياهملالـيماورا هالقولـه ياكـود الافـلاس