|
معاناة محتار
السلام عليكم ورحمة الله وبركاته بدون مقدمات ، أضعها بين أيديكم * لاياقلم سطّر معاناة محتار سجل أنا ببدي عليك السريره وضعي مابين أثنين لابد أختار أمرين شبّو بالضماير سعيره لاياقلم تعبت من كثر الأفكار وأصبحت أعاني بحيرتي كل حيره فكرت وين أروح ومنين الأشوار وضاقت بوجهي وين وجهي أديره حتى الشموخ أنباع بأدنى الأسعار وش هالحياه التافهه هالحقيره أقرب قريب يشب في جوفك النار ولا أكفاه عذره زود أعذار غيره ومشيت ماأميّز يميني من يسار مدري أنا في بـر ولا بديره وقمت أتمنى لو يجي قصف الأعمار حتى أستريح من الحياه المريره روحت أردد مابدالي من أشعار والدمع في عيني يحرق نظيره صحيح لبس الجار ماينفع الجار وش ينفعه لو يكتسي في حريره وصلت بيتي أقنع النفس بأعذار وأقول يانفسي ترى الأمر خيره والليل ياتي عقبه الضيّ بنهار وأشوف مايجري بعينٍ بصيره والطير لاعـلاّ تمادى بمطيّار يعـود ينزل في بداية مطيره يآقلب رّيح لاتحسب لما صار أسمع مثل غيرك / أغاني سميره وأعرف صديقك فِ الزمن نوب غدار لو رآحته بيع البشر في شعيره لآ ياقلم أكتـب ترى الوقت دوّار وأختـم ترى الأحداث بكره خطيره .. وسلامتـكم .. سعـود خلف العنـزي |
الغالي الشاعر هبوب الشمال سعود خلف العنزي الله انه يسعدك ويوفقك بجميع اوقاتك بكل خير ولقد اسعدني ان اكون اول المصافحين لهذه القصيده الاروع من رائعه والاجمل من جميلة بمعانيها وصح لسانك وعلا شانك مليون ولايكفون وتقبل تحياتي |
اقتباس:
أهلاً .. سفير المعآني صح بدنـك أخـوي .. أسعدني تواجدك تقديري وأحترامي |
سعود خلف العنزي صح لسانك ولاهنت معاني شامخه تلامس الجوف و تحرك السريره اسعدني ان اكون ممن يصافحون هذه الشامخة تحياتي يالقرم اخوك ريف |
أرحب .. ياريـف صـح بدنـك يالوليده يشرفني كل ماكتبته طال عمرك أسعدني أكثر تواجدك أخوك / سعـُود العنـزي |
هبوب الشمال
ما أروع أحساسك أينما كان صح لسانك على هذا البوح |
يآهـلا بزمان العجآيـب صـح بدنـك ، أختي مشكوره .. طال عمرك نورتـي المتصفـح |
هبوب الشمال اسعد الله روحك نص محيط احساس ..متلاطم ألأمواج ... تعصف به أعاصير قلق .. ورياح ارق .. ربانه ماهر ..ابحر بنا .. في ظلمات زمن الصدمات .. الى شواطيء .. الحكمه . نص ممتع .. مقنع .. استمتعت به تحياتي ..وتقديري |
هبوب الشمال
ابدعت ولك مني فائق الود والاحترام ولابد ان ننظر الى الدنيا بنظرة تفاؤل كنت رائعا ولامست الكثير من ما بداخلنا لك مني جزل التحايا والتقدير سعود صح السانك ويعطيك الف عافيه |
اقتباس:
اللـه يسعـدك وين ماكنت أخوي .. ( أنـا ) لك كل الود والتقدير |
| الساعة الآن 05:11AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية