تعبت من العدو اللي عجز.. يدخل معي بقتـال
تعبت من الظـلام اللي قتلت .. ولا لقى حتفـه |
تعبت أسأل من المخطي ..؟! تعبت اردّد المـوّال
ما دامك ما سـقيت الزرع .. ما لك حق في قطفـه |
تعبت القىالجواب المقنع اللي ماعليه جـدال
تعبت القى .. طـريقٍ ما يكون بآخـره شـتْفَـه |
تعبت أغـازل البسمه على ثغر البكـا .. تخـتـال
تعبت أشـوف شوفي ينهزم .. رغمٍ على انفـه |
تعبت اجامل ايامي .. ولو ورّتنـي .. الأهـوال
تعبت أقـول عن حملٍ ثقيل .. اتفه من الأتفـه |
تعبت أهـزّ راسي غيظ ! والقى في يديّ اغـلال
تعبت أسـير خلف الوهم.. لو غيري ركض خلفـه |
تعبت أشـد وانزل.. ما ظهر لي طيّـب المنـزال
تعبت من الدروب اللي مشيت .. وكلّها صـلفـه |
تعبت أرسم حروفي شمس.. والمح بالوجيه ظـلال
بعض ناسٍ .. تعـرف النور .. بس تقول ما تعرفـه |
تعبت وقلت كل اللي اظنّـه " يا فهد " ينقـال
تعبت ابغى القط انفاسي .. اذ لابد من وقفـه ******************* مساعد الرشيدي... |
تَعبتُ مِنْ التَسكعُ بـ الحَياةِ لـِ وحدي ....!
|
الساعة الآن 03:43AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية