يالجعيب أنهكت قلبي عزتيله=كل ماترعد بروقن في سماها
ذكرتني بعام تسعين وهميله=يومها فارقت من قلبي معاها
بنت حرن تسكن بقلب ومخيله=كالبدر واليا ضحكت زادت حلاها
من وانا صغير وقلبي مهتويله=كني اللي منخلق اشرب ظماها
الجفول اللي خذت عين الكحيله=غيرها حرمت عن قلبي إيهواها
بيننا عهدن فلا أدور بديله=وأقسمت مثلي بعهدها من وفاها
لين فرقنا العراق بغزو ليله=وشتت ارواحن تعانق من صفاها
ومن هذاك العام قررت أهتديله=وأنشد الناس وأدور من خذاها
كل مامريت شارعها اشتكيله=واترك ارقامي غدي صدفه تراها
أقنع بنفسي وانا ادريبه امشيله=ولااتركتلي غير حرفين لرثاها
والحصان من القهر تسمع صهيله=منفطر قلبه وروحه مابغاها
يالجعيب بداخلي همومن ثقيله=وانت تجهل قصتي في مبتلاها
شتهقا برجال ضيع له أصيله=قصها عشرين عام ولالقاها
راحت سنيني ولازلت احتريله=صدفتن ربي يحقق لي مناها
كل ماتذكر لي بديره أعنيله=من الكويت لديرة الجربا وراها
ضاقت الدنيا وانا روحي عليله=داخلي حزن السما عتم ضياها
ليت انا ادري وينله هقوه واجيله=مير ماش اخبار وآمال بلقاها
آه ياتركي فلا باليد حيله=كل ماتطري تهل العين ماها
من يلوم كليب في حب الجليله=يوم ذبح التبع وكفه حناها
كل مانادوا العنود اقول ويله=نبض قلبي ياقف لطاري نداها
صاحبك عشرين عام انهد حيله=ولاتعبت بداخلي شيلة غلاها
عايشن بآمال شوف المستحيله=لين ياقف نبض قلبي عن رجاها