يعين الله يادنيا...محمد الدحيمي
يعين الله يادنيا تسوق ايّامها الأحزان=يعين الله .. وانتي مثل قفل ٍ ضاع مفتاحه يعين الله ... وجروحي لها في كـلّ وقتٍ شان=كذوب اللي يقول ان الزمن بيداوي جراحه سقى الله يوم انا يمّه غرير ٍ يزعج الجيران=سقى الله يوم انا طفلٍ يصج البيت بصياحه سقى الله يوم كان اقصى طموحي .. لعبة الدنان=نهاية يومي المغرب ... واخاف الليل واشباحه سقى الله يوم انا البس بشت ابوي وثوبه القيطان=واقلد كلّ شيٍ فيه .. حكيه .. جدّه .. مزاحه واشيل المسبحه مثله ليا هوجـس وهـو سرحان=بيشعر ...واحسب ان اللي عطاه الشعـر مسباحه سقى الله بيتنا ذاك البسيط مشقق الجدران=شجاع ٍ يهزم الغدراء … بقنديله ومصباحه تكحِّلنا القناعه .. لا طمع .. لا هم .. لا حرمان=واذا جاء الليل تكفينا ... ثلاث اخوان .. طرّاحه جميع الذكريات اللي غدت في قفرة النسيان=يحاكي حلوها عبره ... بموق العين سبّاحه خذتني غربةٍ عنوانها ... غربه بلا عنوان=(ابي عقب التعب راحه ... لقى فيني التعب راحه)!! رجعت اليوم مثل اللي رجع عقب القنص خسران=غدا طيره وجاء يسحب سلوقيه وملواحه قصيده مابَعَد مرّت ببال مساعد وضيدان=هواجيس ابدويٍ هايم ٍ في عشق فلاحه وروح ٍ تايبه كانت تبي لذنوبها غـفران=خطاي انّي كتمت اسرارها بعيون بواحه تقولين المطر ماهوب … يمّه دايمٍ هتان=اجل معذور قلبٍ في همومه ضاعت افراحه انا يمّه غلطت ولاني اول واحدٍ غلطان=ابونا آدم من الجنه خرج باسباب ... تفاحه خذلك الوقت فيني .. ماخذلتك ياأعـز انسان=وش الدبره ؟ وحظي صار.. قفل ٍ ضاع مفتاحه |
يسلمو ع الاختيار
تقبلي مروري تحياتي,, |
الساعة الآن 10:23PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية