|
قصه وقصيده من الواقع
كـرم مـن شيـم العـرب وعاداتـهـم يـذكـر ان رجــل
من قبيلة مطيـر هو عبدالله بن هذال القريفه.. شاعر قديم اشتهر بالشجاعة والكرم الشامخ-رحمه الله- حل في البلد ضيـوف والفـو علـى القريفـه والنـاس منـول فــي ظـل الـضـروف القاسـيـه وصاحبـنـا القريـفـه ماعنـده مـا يعشـي ضيوفـه عليـه واستفـزع فـي مــن حوله وهم داريـن ماعنـده شـي يذبحـه لضيـوف واتفقـو اذا طلـب مـن احـد ذبيحـه يقـول ماعنـدي شـي وكــل مـاراح الواحـد منهـم قالـه مثـل مـا اتفـقـو ماعـنـدي شــي يــوم ضـاقـت وإلا عـنـده ناقـتـه الـلــي يتمنحهـا هـو وعيالـه وهـو يلقيهـا للقبـلـه وينحـرهـا ويطبخونهـا اهـل البيـت وهــو يـبـرك النـاقـه عـلـى الصينيه ويعزم جيرانه واللي حوله مع الضيوف يوم شربو القهوه قال لضيوف والحضرين اقلطو الله ايحييكم اصحابـه عارفيـن ماعنده شي ومتوقعي الغداء بـدون لحـم علشـان الـى ضيفو الضيف يحطون رز مثل القريفه ولا يلحقهـم شرهـه ومنقـود استغربـو كـل ربعـه مــا شـاهـدوه وقــال صاحبـنـا القريـفـه وـهـم عـلـى الـغـداء هـــذه الابـيــات : ياجـمـاعـه كـيــف مافـيـكـم حـمـيـا كيـف صيـاح الضحـى ماتسمعونـه ماتعـونـونـي عـلــى ربـــعٍ أهـنـيّــا مـن بغـى درب المراجـل يمنعـونـه الـمـراجــل مــــا تـهـيــا هـاســويــا كود من عض النواجـذ فـي سنونـه ان بغيـت الشـح درب الطيـب عـيـا حـالــفٍ مـــارد نـفـسـي للـمـهـونـه مـاعـلـيّـه مــــن مـنـقـلـت الـحـكـيـا كـان بـاب الـرزق منهـم يقطعـونـه وان بغيت الهون ساس الطيب عيّا حالفٍ ما أرضى لنفسـي بالمهونـه حـالــف مـاجــوز مـــن جـيـةهـويـا دام بــيــت الله خـلـقــه يـدهـلـونــه ماعلـيـنـا مـــن مـسـاريــد الـقـفـيـا كـان حبـل الـرزق معهـم يقطعونـه مـن لحومـي الدانيـه شفـت الجفيـا مـن بغـى درب الشكـالـه يذهتـونـه |
[youtube]http://www.youtube.com/watch?v=07rEybBqMSM&feature=related[/youtube]
|
الشاعر بندر بن سرور
هو بندر بن سرور بن خضير القسامي العتيبي ولد وترعرع في القراره بمدينه الدوادمي سنه 1360هجري توفي والده وهو صغير السن وعاش مع عمه بعد زواج والدته من رجل اخر. عاش الحرمان منذ صغره وربما السبب فيما وصل اليه بندر من موهبة شعريه فذه درس حتي المرحله المتوسطه وتوظف في الجيش السعودي وارسل للكويت اثناء حرب الصامته وتهديدات عبد الكريم قاسم حتي وصل الى رتبه عريف في الجيش الكويتي قال بيت له عندما اتاه احد الدائنين يطالبه بماله سر ياقلم واكتب حروف عجيبه واكتب لبو صلال راع العجايب شيخن يفل حجاج من يلتجيبه كنه بعيطا عن سموم اللهايب راعي سنا ضو تسارج خشيبه كثر حطبها للدلال الربايـــــــب قل له تراني ما رضيت المغيبه لكن عنهم محتد يني نشايب الدين واجد والوظايف تعيبه والعسكريه خلت الراس شايب وقشر العيون النوم ما تهتنيبه ابرج لهنه ياوديع الركايــــــب دار يبعد صاحبي ويش ابيبه اللي قلعني عن طويل الذوايب ليا لف بي والود مابه معيبه امشي بباق الجسم والعقل غايب كان بندر في حياته مشاغبا ومزعجا للسلطات في المملكة اثناء حكم الملك فيصل حيث كان يهرب البضائع من الكويت ليكسب من خلال ارباحها لاختلاف السعر في ذلك الوقت .. وكان أمير المنطقة الشرقية سعود بن جلوي غاضبا من بندر حيث قبض عليه اكثر من مره ويخرجه أمير عتيبة تركي بن ربيعان امير الفوج التاسع بالحرس الوطني وهو من شيوخ قبيلة عتيبة اللي لهم كلمة عند الملك والحكومة وكان ياخذون تعهد على بندر بعدم التهريب الا انه مطنشهم ولا يسمع الكلام .. المهم وصل للامير بن جلوي ان بندر هرب بضاعه ولا قدروا يمسكونه فحلف بن جلوي ان يقتل بندر اذا قبض عليه ومعروف عن بن جلوي قسوته وشدته وجبروته اثناء حكمه للمنطقة الشرقية .. ووصل لبندر كلام الأمير وتهديده بس ما ارتدع .. وفي يوم وبعد المغرب بشوي كان بندر نازل مع النفود بسيارته الونيت وتفاجأ ان حرس الحدود مخيمين اسفل النفود وأيقن انه مقبوض عليه لا محاله فهو لا يستطيع العودة لأن النفود عالي وإذا نزل معناها مسكوه فأوقف السيارة وترجل منها ورجع على أقدامه وصادف سيارة وركب معاه وطلب منه يوصله لبيت الشيخ تركي بن ربيعان ووصل له حوالي الساعة وحده بالليل وقام يطق الباب بقوه والليل هادىء وصحى كل اللي بالبيت وكان الشيخ بن ربيعان بالدور العلوي وراحت بنته تفتح الباب وبندر يطق الباب بقوه وفتحت الباب وقال لها ابوها من اللي عند الباب يا بنت قالت بندر المرجوج ( وسمعها بندر وهي تصفه بالمرجوج ) قال خليه يدخل للمجلس وغير الشيخ ملابسه وقامت البنت تسوي القهوه ولما دخل المير تركي بن ربيعان وخلفه بنته معها القهوه التفت عليها بندر وقال ياسهيف الذرعان مانيب مرجوج رجتني الدنيا غدر (ن) وحيله يابنت لولا الي على تاسع الفوج تركت نجد وعزوه بالقبيله لاشك حاديني على نجد هيدوج مسقي الفيافي لين يدرج مسيله تركي لا من اليالي غدن عوج حمل عتيبه كلها ماتشيله يرسي كما مينا البواخر على الموج ومنين ماصك البحر ترتكي له مادام تركي حي ماودي ادوج وان غاب غبت مع الرجوم الطويله |
[youtube]http://www.youtube.com/watch?v=qkvJ6er1cuE[/youtube]
|
مشعان بن هذال شيخ مشايخ قبيلة عنزة ,
شاعر وفارس مشهور . . . أصيب مشعان بن هذال بالرمد وطال سقمه كما ذكره بأبياته تسعين ليلة . . . وفي أحد الأيام أغار على جماعة مشعان غزاة فصاح الصياح وأخذت فرس مشعان بالصهيل وهي مربوطة حتى كادت تقطع الحديد . . . ولما سمع صهيلها نهض من مكانه مسرعا ورفع الرباط عن عينه لكي يركبها ويلحق بجماعته ولكنه لشدة حماسه أصاب جروح عينه المربوطة لشدة نزعه للرباط وسال منها الدم ولم يتمكن من الرؤية فعاد إلى مكانه وهو يتحسر لجلوسه مع النساء وكأنه منهن وقال هذه الأبيات يـا رب عجـل بالنظـر والعوافـي وافـرج لعينيـن قـد تدانـا نظرهـا تسعيـن ليلـة مـا تهنيـت غـافـي كن الحمـاط بمـوق عينـي جمرهـا وخمسة عشر ليلة جـرى لي هفافـي ازريـت أميـز شمسـها من قمرهـا يا حـظ أبو مـن قـام عـدل وقافـي يمشـي يريضانـن تخالـف زهرهـا صاح الصيـاح وقيـل ما من عوافـي وقامت تـرادي سابقـي من سكرهـا وقعـدت أنا مـع لابسـات الغدافـي كن ما جرى لي ساعتـن في ظهرهـا أنا إن لحقـت الخيـل جاهـا خفافـي يفـرح بي اللـي يرتجينـي بأثرهـا يومن يشيب الـراس يبـس الأشافـي شبط الخليع يشيـب اللـي حضرهـا لا ذل عشــاق البنــي الهـوافـي أقفـا وخـلا عورتـه مـا ستـرهـا أردهـا والخيـل راحـت مقـافــي كم شيـح قومن نطرحـه في نحرهـا لعيـون مجلـي الثمـان الرهـافـي نفك مظهـور القضـي فـي ظهرهـا حريبنـا لـو هـو بعيـدن يخـافـي من سربتـن نمـرا ونيسـن نذرهـا يا خيلنـا يـا ماوطـت مـن فيافـي تاطـا على كالـدوح ناعـم شجرهـا وردتها حوضـن من المـوت صافـي وارويت أنا عـود القنـا من حمرهـا قولـن بـلا فعلـن علينـا يشـافـي يعطـي لسانـه لسنـه مـن ذكرهـا إن كنت أبو مشهور واحسب أسنافـي إنـي لـورد سابقـي فـي بحـرهـا |
عساف العساف الله يعطيك العافية موضوع رائع فانا أستمتع بمعرفة مناسبة القصيدة لانها تعيشني جوها الكامل شكرا لك ودمت بوافر الخير في رعاية الله وستره ليلي وايت |
اهلا وسهلا ليلي وايت
ياريت اذا عندكم قصه وقصيده تضعونها من ضمن القصص والقصائد اللي هنا دمتم بود واهلا وسهلا بكم اي وقت |
يعطيك العافيه على الموضوع الاكثر من رائع يدوم تألقك وأبداعك الراقى لك كل ود |
[youtube]http://www.youtube.com/watch?v=t-48BKBc9qI[/youtube]
|
الاخ الفاضل الكريم عساف العساف
استمتعت كثيرا بهذه القصص الجميلة الرائعة بارك الله فيك وسدد خطاك وتقبل تحياتى وتقديرى |
| الساعة الآن 02:11PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية