يا بنت أنا ماني هبيل (ن) ومشـعوف =الله رزن عــقلي و قــــلبي دلــــــيلي
وشـــبك عـــلامك ماتلدين بالشـــوف=في العوسجه ظبي (ن) هنا بالمقيلي
في عينك أديارك كما وابل أقنوف=وأدياري في عيني قراح (ن) صفيلي
عيني تشوف اعيون والعين معطوف=على النظر اقطف وعبي شليلي
عين(ن) لها شوف(ن) وعين(ن) بها أكفوف=وعين(ن) رجت غايب بدمع(ن) هميلي
وعين(ن) لها شمس(ن) وعين(ن) بها أكسوف=وعين(ن)لها قره وعين(ن) تخيلي
عين(ن) تلد الناس وعين(ن) بها حسوف=وعين(ن) هنت برقادها والخميلي
وعين(ن) عماها العج من جومعصوف=وعين(ن) هنت بظلال رمش(ن) كحيلي
الله خلقنا اثنين قاطف ومقطوف=انتم كما روض(ن) وحنا مسيلي
وانتي كما ريم(ن) تلاعب بلا خوف=بين النفل والشيح تحت المخيلي
وانا كما بيت(ن) تبنا من الصوف=تصفق به ارياحه ويئبا يميلي
وانتي كما ورد(ن) على الغصن ملفوف=سبحان خالقها ! ! برونق جميلي
وانا كما عود الغضى دوم محذوف=في وسط نار(ن) مشعل(ن) ضو ليلي
وانتي كما شهد العسل حلو مرشوف=وانا كما روب ( البن ) بالصميلي
وكفك لزم كف(ن) وكفي بها أكفوف=كفه ثقيله وكفتن ماتكيلي
وكفوف خلق الله بها أرخوم وصلوف=وكلن على مقدار كفه يشيلي
وكفن قصر فعله وكفن به سيوف=وكفن شحد كفن يطلب ذليلي
وكفن ربا كفن وكفن على نوف=كفن طلب برجاة رب(ن) جليلي
الله خلقنا أثنين عارف ومعروف=لكم دليلِه ولي بقلبي دليلي

المشاركة الأصلية كتبت بواسطة الغناوي (المشاركة 243933) صح لسانك تحياتي

المشاركة الأصلية كتبت بواسطة سفير المعاني (المشاركة 243935) الغالي الشاعر مارد عبقر الله انه يسعدك ويوفقك لمافيه الخير اسعدني مروري على متصفحك ومصافحة هذه القصيده الجميله والرائعه بكل ما تعنيه الكلمه وصح لسانك وعلا شانك مليون ولا يكفون تقبل تحياتي

اخي العزيز سفير المعاني
بعد التحية والسلام
تسلم لي يالغالي ويسلم غاليك والشر مايجيك ومرورك عندي يسوى ترليون

المشاركة الأصلية كتبت بواسطة مجاهد (المشاركة 244188) مارد عبقر استمتعت بهذه القصيده الرائعه صح لسانك

اخي العزيز مجاهد
صح بدنك مرورك فخر وشرف لي
اخوك مارد عبقر

المشاركة الأصلية كتبت بواسطة عنفوان صبا (المشاركة 244332) الله الله قصيدة بآذخة ... نظم راقي جميل صح لســـــآنك و علا شآنك ولا هنت و نتشوّق لجديدك

عزيزتي عنفوان صبا
لك كل الود والتقدير والاحترام
تشرفت بمرورك الكريم
ودمتم بود
اخوكم مارد عبقر