|
جااااااااااااااااف
الليل هذا ما يبيله مداراه=خص(ن) اليامنك سريته خلاوي أما تخلي الذيب يبلع به عواه=والا تريح به خفوق الهواوي اسعد الله اوقاتكم........بكل ما هو جميل.
أبا أترجَّل لو مناخ .. الفكر جاف=وأبا افتح أوراقي وأعطر سطوري بالمفردات الطاهر .. حق وانصاف=وأقول يابكرات الافكار دوري طوفي بصدري طوفه الحاج ياطاف=تباركي بي واسجدي في شعوري سجود شكر وخلي الحبر شفاف=عشان يزهى في عيوني حضوري انا السما لو مالها حس وطراف=وانا الفضا لو المجال محصوري وانا الخيال اللي تفرد بالأوصاف=يامنكرين النور والنور نوري شدو ركايبكم على الطرق والقاف=شدو عليه ولا يجيبه قصوري أسروه مسرى ليل بسراج عراف=يضوي على رجم(ن) شمال مهجوري والليل به له فجوة ما تبي لحاف=الينتصف كني عليها محشوري فجوه لها نشوة ونكهة ومشراف=يا أرقبت به قامت تلاحم كسوري يشرف على وقت(ن) به المور والهاف=دور(ن) مضى قلبي عليه معصوري به البشر ما دلبحت لآم الأرداف=ولا برزت به ردف بنت(ن) جسوري راكد محيطه مانكسر فيه مجداف=ولا رد به شيخ(ن)ولا شاخ نوري فزعه وطيب ونخوة نفوس(ن) خفاف=ماهم ثقال نفوس والفكر ثوري متكاتفين(ن) ... لو تباعدن الأكتاف=متعاطفين(ن) ... غرسهم ما يبوري أحرار نسل أحرار ومعاشر أشراف=الجار عند الجار دمه يفوري ماهو مثل هالوقت طاريه ينعاف=رفع مقام مقدسين التجوري قام يتفاخر به سلوقي وبلاف=يامر وينها به صعيدي وسوري وعن لا أزيد الطين بله وينشاف=أبي امنع التصوير لو كان فوري وأبا أترك الملعب وابا العب بالأطراف=واشره على نفسي لو الدور دوري واعطي عناوين السهر داخلي طاف=أريح جفوني ... وأداري شعوري وابقى بداخل جوي الممحل الجاف=لو كان من حقي اعطر سطوري |
الغالي الشاعر م ب ع ث ر الله انه يسعدك ويوفقك بجميع اوقاتك ولقد اسعدني ان اكون اول المصافحين لهذه القصيده الاجمل من جميله والاروع من رائعه وصح لسانك وعلا شانك ولاهنت وتقبل تحياتي |
شعراً لاتجارى ايها المبعثر
رائعٌ بكل ماتعني الكلمة من معنى الاعتراض الوحيد من الفهم هو على اسقاط السجود في هذا الموضع علماً بأني انا شخصيّا لاينتابني أي شك في توجهاتك وحرصك دائماً على عدم المساس والاخذ في الشبه من افضل النرجسيات المحببة ماكتبت وفعلاً قدها وقول وفعل ولي عوده |
أسروه مسرى ليل بسراج عراف يضوي على رجم(ن) شمال مهجوري والليل به له فجوة ما تبي لحاف الينتصف كني عليها محشوري مبعثر صح لسانك على هذا العقد الفريد تحياتي وتقديري لك:thumb: |
سفير المعاني
الروعة في حضورك النور .... واطلالتك المشرقة دمت ودام حضورك تقديري |
اهلا بالشعر
وبنتظار عودتك .... طال عمرك اما بشأن السجود .... فهو سجود شكر لله عز وجل . بعيدا عن الشبهات .. ومع هذا اعدك بتلافي مثل هذه الاسقاطات بالمستقبل فلا تحرمنا من توجيهاتك ونقدك البناء تقديري واحترامي اخوك |
زمن العجايب
مرورك الغيم ..... المشبع بالمطر صحة روحك وطاب حضورك دمت بخير |
صح السانك
ولم يكن حضورا جافا بل تعطر بالشعر وتحمل بالمعنى وارتص بالمبنى جميل انت يامبعثرنا ليجمعنا جميل ماتضعه هنا لك شكري وتقديري |
مبعثر
كتبت و اجدت وابدعت شاعر مثلك ليس له قرين صح لسانك ولاهنت تحياتي ريف |
مبعثر اسعد الله روحك نص يؤكد .. بأن الفكر ..قبل الشعر .. وتصفيف الحروف.... صاغه ..محترف حرف .. ومتقد ذهن .. تشريح ..لواقع مؤلم ..وتوجد على ماض جميل .. شموخ روح .. وفوح شعر .. عطر .. المتأمل .. والمتذوق تحياتي ..ودمت بخير |
| الساعة الآن 09:28PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية