ياصديق السوق ذا مشكل كثير = كل ماجيته يسبب لي صداع
انت ماهمك وانا همي كبير = ومن شبع ما ناظر الناس الجياع
هز راسك وش عليك انت الأمير = كل يوم تشوف زينات الطباع
مستهل ومبتهل وجهك ينير = اغلب اشغالك متاع(ن) في متاع
جتك حصه جتك دانه جت عبير = صبحنك مير انا اصبح سباع
شفت شوفه ياصديق الله يجير = من بلاويهن ومن غسل الشراع
النقاب الكحل والثوب القصير = يدحم المشلح بقدر المستطاع
ازرق ابيض واحمر اخضر مستدير = فوق رمش وتحت رمش وقلب ماع
بالعقاريه وصدري له صفير = اتنهت واتلفت بارتياع
مايقرب صوبهن رجل(ن) غرير = وش لميس ووش سنوات الضياع
الضياع السوق واللي به يصير = من مشاهد من تخبن بالقناع
كنهن طيور ماتقدر تطير = بس هيبتهن على هيبة شجاع
يوم قربت وتهاونت العسير = قمت اطالع له وانا قلبي رعاع
بين اعرض له أو ارجع واستخير = وارتبك ثم صد واربكني وفاع
انقلب كنه يناور في شطير = واختفى وعيوني افقدها الشعاع
وانقلبت وصرت باسبابه ضرير = لا رحم روحي ولا قفى بساع
يا صديق اسألك تكفى يالخبير = هو يباع الزين والا مايباع
وهو بعد غيري شكى الوضع الخطير = أو شكاويهم تسبب لك صداع

[table1="width:95%;background-color:black;border:10px inset burlywood;"]

اخوي الشاعر المبدع عبدالعزيز العدواني

صح لسانك وسلم احساسك ابيات رائعة جدا الله لايهينك اخوي
والشر البلية مايضحك الصراحة وأنا أقراء القصيدة من أول بيت إلى اخر بيت وأنا اضحك
من واقع تشتكي منه الأنفس وتحزن من بعض الناس الذين اغواهم الشيطان ..

لكن دعواتنا لهم بالهداية والصلاح وانا لايريينا مكروه ولايبتلينا ....
تحياتي الخالصة لك اخوي عبدالعزيز ...

[table1="width:95%;"]

عبد العزيز العدواني

صح لسانك اخوي ولاهنت على هذه القصيدة

الرايعه تقبل تحياتي وتقديري