(( مهــر وخطــــوبه وشبكّــــه ))
ياصاحبـي لا يدخلـك بالغـلا شـك=وحبك بقلبـي مادخـل فيـه شكّـه كاسك معا ريق الهوى شاربه سـك=والقلب له بابن عـن الغيـد صكّـه افـواج حبـك فالمعاليـق تصّطّـك=مثل الحجيج وخافقـي صـار مكّـه روحي مثل(عشرة سبيت) وغدت تك=وحبك شرى صن وخذاها ب(الاكـه) دكيت لعيونـك حصـون الزمـن دك=بعزمٍ قوي بدري على اليـاس دكّـه حكّيت انا اسمك في جدار الحشاء حك=وتبطي سنين العمـر تخفـي محكّـه قصايدٍ باغلى المعاني تجـي حبْـك=قدمتها (مهر) و (خطوبه ) و (شبكّه) ابيك تعطيني علـى وصلنـا صـك=وعين العذل عن ضحكة البعد.. بكّـه آنا عطيتـك قلـب مايدخلـه شـك=وقلبٍ ليامن حـب مـا منـه فكّـه _ _ _ _ _ نايف بن جليغم _ _ _ _ _ |
الغالي الشاعر عاسف المهار الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده الجميله والرائعه بما تحمله من مضمون وسلاسة في سبكها من شاعر له باع طويل ومتمكن وصح لسانك وعلا شانك مليون ولايكفون وتقبل تحياتي |
ابن جليغم ارحب وصح لسانك شاعر/مبدع/ متميز مانوفيك حقك مهما قلنا وبالتوفيق والله يردك سالما غانما :r: :r: |
اقتباس:
سفير المعاني يامرحبا والله ومسهلا يالقرم وصح الله لسانك يالغالي ولاهنت على مرورك الكريم وتشريفك لمتصفحي تقبل تحياتي |
نايف نص يبرز فيه قوتك الشعريه الفذه
طوعت الحرف والقافيه وليس بغريب على شاعر متمكن كشخصك الكريم صح السانك ولاهنت تقبل مروري المتواضع هنااا شا ا ا عر ربعه |
دكــيــت لـعـيـونـك حــصــون الــزمـــن دك
بـعـزمٍ قــوي بــدري عـلــى الـيــاس دكّـــه حكّيت انا اسمك في جدار الحشاء حك وتـبـطـي سـنـيـن الـعـمـر تـخـفـي مـحـكّـه عاسف مهار صح لسانك عدد بلا مدد القصيده كلها رائعه رائعه ومثل ذا الحب وانا اختك نادر ولا يحصل بها الوقت الله يوفقك حقيقي بدعت تشرفت بالمرور دام نبضك تحياتي رهب |
حقاًهي مشاعرٌ تستحق التأمل ..
وحقاً حالنا يستحق التألم .. فلنقذف بالآمنا بيعداً ولنرسم الفرح ونجعله قريباً .. وحينها فقط سيكون الوجود اجمل وتكوون السعادةُ اقرب .. دمت ودام رقيك بيننا .. كنت هنا . |
اقتباس:
البقا ياخلف وصح الله بدنك ياكحيلان ولاهنت على مرورك الكريم وشرفتني بمرورك تقبل تحياتي |
ابن جليغم صح لسانـك من هنا .. حتى ترضى أكتفي بالصمت والتأمل أمام هذه الشامخــه بالتوفيـق أخوي نايـف ولك مني كل الود والتقديـر |
اقتباس:
حمد الهذلي صح الله بدنك وشهاده اعتز فيها وشكرا لك على هذا الاطراء وشكرا لك على المرور تقبل تحياتي |
الساعة الآن 12:31PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية