|
يااااطير
ياطير عــــــزاه لك ياصاحب الطير عـــــزاه = طيــرك ترك دربٍ تبيه وهـــويته طيرك كفخ ويسابق الريح شــــــفناه = بظل السحاب وبالنظر ماقـــــويته طيرك تبع درب الحرار وتلـــــــقاه = طيرك عصاك اليوم يومك عصيته قمت اطلبه وادعيه وأعطي مـــناداه = وقام يتعلى كل مانا دعـــــــــــــيته قام يتعلى وصوت ياس تقــــــــــفاه = ويعاند صياحي وانا ما رجـــــــيته ياصاحبي طيرك تبي مثله اشـــــباه = تلقى مثيله لا جزمت ونـــــــــويته طيرك يذكرني بطير فــــــــــــقدناه = ماله شبيه ومع البشر ما لــــــــقيته طيري بشر ماشاقني مثل لامـــــــاه = من العذارى البيض طيري هويته أعطيت طيرك قصتي عقب رجواه = وبلغته بقصة هواي ونخـــــــــــيته ياطير بلّغ صاحبي كان تلـــــــــــقاه = ياطير عن فرقاي ياما نهــــــــــيته ياطير عقبه مقعد البيض عــــــــفناه = والهم بين ضلوع صدري طـويته ياطير ذيبه موحشٍ اسمع عـــــــواه = همه ظهر بي مانفع لو خفـــــــيته ياطير هذا منزله وذاك ماطــــــــــاه = وهذا مراحه وذاك يوم إلتـــــــقيته ماكل من يضحك ويبدي ثـــــــــناياه = يبدي الموده الخفي مـــــــــــادريته ياطير هاذي قصتي كان تـــــــــــلقاه = عطه القصيده كان شفته وجـــــيته |
الغالي الشاعر عبدالله بن صبيح هلا وغلابك بعد غياب طال نتمنى ان لاتغيب عنا والله انه يسعدك ويوفقك اين ما اتجهت وحليت ولقد اسعدني كثيرا ان اكون اول المصافحين لهذه القصيده القوية الرائعة وما تحمله بطياتها من معنى وما تحمله من شعر ابداعي عذب ومابها من جزاله وصح لسانك وعلا شانك مليون ولايكفون تقبل تحياتي |
اقتباس:
سرني مرورك وردك الجميل والرائع والذي اضفى على قصيدتي رونق من الجمال صح بدنك ولاهنت يالغالي |
الله الله
صح لسانك يابن صبيح سعيد بمروري من هنا لاهنت تقبل مروري وتقديري |
اقتباس:
صح بدنك ولاهنت |
... الله عليك يا عبدالله انا اشهد انك مبدع ياطـيـر عقـبـه مقـعـد البـيـض عـفـنـاه ................. ................. والـهـم بـيـن ضـلـوع صـــدري طـــــويـتـه ياطـيـر ذيـبـه مـوحــشٍ اسـمــع عـــواه ................. ................. هـمـه ظـهـر بـــي مـانـفـع لـــو خفـيـتـه قمة الالم ان تفقد شخص غالي هنا يكون الالم الحقيقي موفق يا عبد الله و ما زلنا ننتظر كل جديد تقديري |
صح لسانك يابن صبيح
سعيد بمروري |
اقتباس:
تحياتي وتقديري لك |
اقتباس:
ولاهنت |
الشاعر
عبدالله قصيدة تحمل من الاحساس الكثير والفاخر تقديري |
| الساعة الآن 11:50AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية