احمد الشايع / واليا جفتك الدار دور بدلها
http://www.youtube.com/watch?v=Ixn9A94y_kQ
قصيدة للشاعر الكبير احمد الشايع بصوت المنشد العذب حسين العلي خذ من سعه لياك تاخذ من الضيـق ماضاقت الدنيـا الوسيعـه باهلهـا يرضيك ما يرضي جميـع المخاليـق اللي يجـازي كـل نفـس بعملهـا سج القـدم والله عليـه التوافيـق واليـا جفتـك الـدار دور بدلهـا الصبر مفتـاح الفـرج للمطاليـق ونفس تعدى حدهـا مـن جهلهـا كم واحدً قـد ذاق مـر التفاريـق وعقب الرضا نفسه تزايـد زعلهـا عليه مالت غرب عقـب التشاريـق وحتى ايش لو مالت على الله عدلهـا محدً يلوم اهـل القلـوب المشافيـق الرجل تركض ليـن يوقـف اجلهـا الحب هو ساس الشقـا للعشاشيـق والنـاس بالايـام ياطـول املهـا من ذاق عشرة لابسات العشاريـق ما طاعته نفسـه لـو انـه عذلهـا الحب كايد والهوى ييبـس الريـق واهل التغـزل لاهيـه فـي غزلهـا تتل قلبـي مـن سخـاف المعاليـق تلة دلي اللـي حيـا مـن رسلهـا والمـا بعيـد بقاعـة ام الزرانيـق والقلب لحم ودم كيـف احتملهـا قمنا على علـم وعهـود ومواثيـق مـا نختلـف وارزاقنـا الله كفلهـا راع الهوى بالليـل نومـه تخافيـق دارً رحـل منـهـا ودارً نزلـهـا ترى الهوى قتال مـا فيـه تفريـق ياكم قتـل نفـسً ونفـسً عزلهـا وأصل السبب من هرج بعض المطافيق اللي يديـه مـن المـروه غسلهـا اهل الركاب اللي تلـفّ الطواريـق اتكشّف اسـرار العـرب وتختلهـا لاهـم بخيالـه ولاهـم تفافـيـق اتـدور الـغـرات والله فشلـهـا علمي بها غربـي جبـال شواهيـق في روضـةً تـوه يفـرّخ حجلهـا روضه تضاحك بالزهـر والزماليـق يجذب مسافـة يـوم ريحـة نفلهـا |
|
اقتباس:
واشكرلك حضورك وتعليقك لك تحياتي |
الساعة الآن 03:56AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية