اهني الشعب السعودي ومجبور= اني اهني درعنا بالسلامه
درع الوطن في وجه مفسد ومسعور=ياقف لهم وقفة شموخ وزعامه
سلامتك ماجور يامير ماجور=يامحمد النايف وريث الشهامه
ياسيفنا الي سلته تفري الزور=تسطي على الارهاب شذرة احسامه
ماهي غريبه ياذرى كل مخطور=جهدك غدى لشعب جل اهتمامه
عدونا في كل الايام مقهور=ماهوب لاقي في طرفنا كرامه
من عهد ابو تركي والارهاب مدحور=نورٍ كسى الدوله وباعد ظلامه
واليا بدى ناقف له اذياب ونمور=ايخيب ظنه مايحصٌل مرامه
حكامنا والشعب دون الوطن سور=لاجاء النهار الي يثٌور عسامه
صلفين مانقبل مع الشرذمه شور=ولاهوب منا الي تراعد عظامه
طابورنا يكسر ثمانين طابور=سيلٍ يدك الضلع قو ارتطامه
هاذا الصحيح الي به البال مسرور=والراس يطبخ بالسطر والقرامه
ولو حاولو يلي على الامن لك دور=ميرادهم معروف ريع الندامه
ياسيدي لو جاك(معثور معثور)=لانك ذخر نايف عدو الرخامه
نايف كبير الامن ومبعٌد الجور=النائب الثاني وحامي وسامه
ربي حماك وصار الارهاب ممرور=عودٍ يبس واليوم حان انصرامه
ابشر بنا يامير والصعب مقدور=صفٍ يهيل المعتدين التحامه
قلته وترجمته باحاسيس وشعور=ابيوت شعرٍ مالحقها ملامه

[table1="width:95%;"]

[table1="width:95%;"]