احس حالت تشتـت مـن هـذاك النهـار=مابين بعض الشعـور وبيـن تفسيرهـا
لامـن تخيـرت منهـا مالقيـت الخيـار=لاخذت مع بعضها سجيـت مـع غيرهـا
اي والله اكبارها صـارت بعينـي صغـار=كثـرت مجاهيمهـا وكثـرت مغاتيرهـا
تقفي وتقبل هواجيـس الضمايـر كثـار=فـى جرهـد البـال متعبتـن مداويرهـا
ياما ترجيت لكبار الخطايا اعتذار=لو كان اكبر خطا رجوى معاذيرها
سياسة الصمت يتعبها اتخاذ القرار=وصدوف الايام فى ذمة مقاديرها
كان الهدف من ورى التلميح ذل الحـرار=قولـو لنـا ديـرو الهامـات ونديـرهـا
اكبار جينا علـى الدنيـا ونرحـل اكبـار=والنفس نرفض بايـت حـال تصغيرهـا
الطاولـه مستديره والتسـاوي شعـار=وإلا العلـوم القديـمـه دورو غيـرهـا
حنا من اهل اليمين وضد لاهـل اليسـار=كـم أمـة ٍ دمـرت باسباب تدبيرهـا
لاوقفت بيـن عـز النفـس والانكسـار=ماينحنى الراس لـو كثـرت سماسيرهـا
موت الشجر وصْفرار الغصن عقب الخضار=شرهت ورقها علـى الغيمـه وتقصيرهـا
اربع جهات الاماكن من حصـار لحصـار=حطم قيـود الحـروف وفـك اساويرهـا
مابلت رعود سحب الصيف جـرد الديـار=دام الفجـوج الوسيعـه خانهـا بيرها
حنا خلاصة حروب ومـن دمـار لدمـار=واصحـاب الالبـاب ماتنكـر مشاهيرهـا
ليا أمتلى الجو من وقع الحوافرأغبار=صدر المقابر ترحب فى مساييرها
ماهو تفاخراذا ما كان رد أعتبار=من شرهة(ن) تدمي الخافق مساميرها
مدرى تدور الرحى والا الزمـان استـدار=و إلا الفلـك دورته نجهـل معاييرهـا
ياغربة الروح . روووحـي ماعليهـا ستـار=من شاف وجه الليالـي مارجـى خيرهـا


.

لاإله إلا الله

ماشاءالله تبارك الرحمن

حروف باااااذخه

عذبه سلسه

تروي الذائقه حتى تثمل من كؤوس أحساسك


نص لايكتبه سوى الكبار امثالك

أستاذ عاشق


صح لسانك واحساسك وقلمك

ودام عزف احساسك العذب على اوتار الحروف

بأنتظار جديدك العذب

تقبّل مروري العجل المتواضع بباذختك


تحياتي لشخصك الكريم

[table1="width:95%;"]

[TABLE1="width:95%;background-color:black;border:10px outset burlywood;"]