ياخادم الاسلام بأرض الحرمين = مبروك عيدك والوطن كله أعياد
ياعالي الهمُه .. كعام المعادين = ياللي بفعل الخير صادر و وراد
حبك زرعته في قلوب الملايين = حتى حصدته بين هجري وميلاد
وغلاك راجح في جميع الموازين = معدن ذهب ماعذربه كل نقاد
قدرك يابو متعب على الراس والعين = ومكانتك بأعماقنا دوم تزداد
الشعب وافي والوفا بالعهد دين = وحنا على يمناك يارمز الامجاد
وقفاتنا وقفات .. بالعسر واللين = وقفة (معزي) يوم يجتث الالحاد
وعلى يمينك لاغدى العلم علمين = سيف الشجاعه بالشدايد لك أسناد
ولِي عهدك .. حامي الدار والدين = حكيم رأي وتفتخر فيه الاحفاد
وأحمد على فعله شهود وبراهين = بالصمت والحكمة له الضد ينقاد
رمز الامن . درع الوطن . والميامين = مثل العلم في راسه النار وقاد
ونطلب الة الكون .. بجاه المصلين = سبحانه اللي خالق الكاف والضاد
يرحم لنا (سلطان) طلق الحجاجين = يلقى جزى ماقدمه خير واسعاد
ويرحم لنا (نايف) زعيم الحكيمين = ويجعل مقره جنة الخلد بأبعاد
والله يعز المملكة بنصرة الدين = ويزيد حكام الوطن عز وامجاد