مسكيـن مـن يحسـب ان النـاس تصبـر عليـه = عـشـانـه ابـــن فـــلان او ان خـالــه فـــلان
بالعكس لاصار ابوك انسان (واصل) و (بيه) = مفروض مايمشـي ابنـه فـي دروب الطمـان
المـشـكـلـه مـاتـعـوّدنـا نــجــادل سـفـيــه = نخـلـي اهــل الجـنـان يمـارسـون الـجـنـان
مــدام مـاقـال لــه شــي ٍ يـمــسّ الـوجـيـه = شـقـاه عـلـى حـبـال الحـنـجـره والـلـسـان
(بعطيـه جـوّه) يفضفـض عـنـي الـلـي يبـيـه = ماللمسفّـه ســوا الحـقـران فــي هالـزمـان
بالله انا (ليه)؟ اقـول لشخـص معتـوه: ليـه = وانـا ادري انـه لكـل انسـان قــدر ومـكـان
احيـانـا ً الـرجـل يـكـره رجــل مايشتهـيـه = ولاشافـه بمجلـس ٍ لـو خاطـره زيــن شــان
لـكـنـه يـعـامـلـه رجّــــال لــــو مـايـجـيـه = لـه قيمـه ولـه حـقـوق ولــه كـرامـه وشــان
بـلاك مـن عـاش عمـره فـي حـجـر والـديـه = كــمّــل ثـلاثـيــن ويـــــدوّر دلال وحــنـــان
يقـول فـي حضـرة اهــل الـعـرف مالايعـيـه = وقـام يتخطّـف هـروج النـاس كـنّـا وكــان
لـو كـل رجّـال قـاس الهـرج قـبـل يحكـيـه = شفـت الرياجيـل فـي كـل البسيطـه اخــوان
الـيــا بـــلاك الله بمـجـنـون وبِـلـيـت فـيــه = ولاقلبـه ابيـض عشـان نقـول كبـوة حصـان
خـلـه يبـربـر وخـــل الـهــرج مـنــه والـيــه = فـي بعـض الاحيـان تحتـاج الامـور اتــزان
مـانــي بمتـحـسّـفٍ يـــوم اتـضـايـق عـلـيـه = متحـسّـف انــه ولــد ذولــي وخـالـه فـــلان