شبكة رهب الأدبية-ريما محمد السديري - قصيدة ادري وتدري!! للشاعرة الجامحه

ادري تبـي قربـي وادري تبيـنـي
وتدري بعد ياغايتي كيف انا اغليـك
يافرحـة أيامـي وبهجـة سنيـنـي
تزهر شفاتي لانوى القلـب يدعيـك
وشلـون لاشفتـك حبيبـي بعيـنـي
سربٍ يطير بخافقـي يقبّـل ايديـك
اهـلاً هلابـك يادفـاي وحنيـنـي
سمّ وتنقـى مـن خفوقـي ابعطيـك
ياسيـد العشـاق لاتـقـول ويـنـي
آشر والبي لـك مـن الـود واجيـك
لبيـه مـن قلبـي تشيلـه يديـنـي
يعني من الآخر ترانـي انـا ابيـك
ياتاج رأسـي فيـك راسـي ثمينـي
اغليتـه بحبـك وروعـة مبـاديـك
تبغى الصراحـه دوك بينـك وبينـي
برخي ستار الحب لاحـل طاريـك
واللي اشوفـه بحفظـه فـي كنينـي
واغلق عليـه ابـواب ودّ وشبابيـك
ولا طروا الاحبـاب برفـع جبينـي
هذا لانـك سيـدي ب فتخـر فيـك
يعنـي كـذا يـسـار ولا يميـنـي
بمشي معك من وين ماجت خطااااويك