ناديت جزلات المعاني والامثال=وجتني على طاريك مية قصيده
كل القصايد ودها فيك تنقال=لاشك ماتزهاك كود الفريده
يارمز وحدتنا على طول الاجيال= في جيتك كن الوطن عاد عيده
شفت العيون بجيتك دمعها سال=دمعة فرح ترسم غلاك وتعيده

سلامتك ياسيدي راس الاموال=ومن شوفتك كل الخواطر سعيده
محبتك بقلوبنا تشعل اشعال=عسى حياتك يابو متعب مديده
لك هيبة(ن)ماهي على كل رجال= وإسمك لحاله فيه جمله مفيده
عبدالله مسجل ضمن كشف الابطال=حاكم حكم شعبه با أقوى عقيده
حنا فدأ راسك وحنا لك اعيال=هذي الاكيده كان تبغى الاكيده
قالو وصل مليككم تو با الحال=وقمنا نتباشر والقصايد وليده
حتى الفرح بيّن على وجيه الاطفال=حاير ويبغى فيك يكتب نشيده
شعبك عكس ياسيدي واقع الحال=لن الوفي ما رد كلمة عقيده
شعبك ابي وكل وقفه لها ارجال=عطيتنا واليوم بس وش تريده
ولائنا باقي ويبقى ولازال=للآل السعود وللعقول السديده
واهلا هلا ياطيب الساس والفال=غنت لك اقلوب المداين وبيده
وأقبل سلامي وأنت في أطيب الحال=عبر الرسايل والفضأ والجريده