قالت شايب
السلام عليكم من ارشيفي تلبية لطلب سردار وفقكم الله سلمت وقالت شايب(ن) ينتغازل = الحسن ذاته والحسن فيه زينه قلت اْبتمعن بالمعاني تهازل = الرجل ماله عشقة(ن)ٍ غير دينه قامت تعذر في كلام وتمازل = معذورة(ن) فيما خفا واستبينه قلت العفو مانيب واقف ونازل = واللي خفا لك باكر وتذكرينه قالت بعقل(ن) كامل(ن) ومتنازل = عطني عناوينك وانا لك مدينه قلت العذر سابق ولابه ترازل = السوق فاتح واعرفي وش تبينه ردت بصوت(ن) رافع بلا عوازل = خذ من عناويني ودور كبينه قلت الهوى معاد لي به منازل = واللي بقى بالعقل له طالبينه قالت تعفف واعرف العمر هازل = اعرف مرامي واقبل لشاهدينه قلت الحلا والزين فيك متجازل = ومعاد بي حيل(ن) واسوق السفينه صح الهوى ياالبيض فيكن زلازل = ولاحد(ن) تنكر للهوى وتابعينه للجميع تحياتي |
صح السانك
يابومحمد والله يكيفك شر الزلازل وكل مسلم... كبير قدر وقيمه عزيز نفس وشيمه ومافيك حيله لافي الشعر ولا بالطيب وليتك عطيتها مجال وخليت القلب اخضر كان يمكن نطلع لنا بكم قصيده غير هذي اللي صح السانك ابدعت فيها كماعهدناك سعيد انا بتواجدي هنا لحجز المقعد الاول |
صح السانك قصيدة جميله
بها معاني ساميه وعفه عن الحب وماشابه الحب كتبت باحساس شاعر متمكن من ادواته الشعريه بس المجامله زينه هههه واجمل مافي الحب شاعرنا انه مصدر جميل لكتابت الجميل اسعدني المرور من هنا كل الاعجاب والمتابعه اجمل تحيه |
:: صح لسانك وتسلم يمناك ابيآت في قمه الروووعه.. دآم منطوقك ونزف قلمك:r: لاخلا منك نحترى جديدك الاروع آحتــــرآمــــي..~ |
سفير المعاني تشرفت بمروري هنا
قصيده شامخه بشموخ شاعرهاا سلمت عليه يالغالي ولاحرمنا يارب من هذا الحضور وصح السااانك ملايين ولاهنت تقبل مروري المتواضع امام روعة شموخك شا ا ا عر ربعه |
اقتباس:
الغالي الشاعر خلف العاطفي الله انه يسعدك على هذا الحضور الجميل واشكرك شكرا جزيلا والله يعطيك العافيه تقبل تحياتي |
الشاعر سفير المعاني
جزل في كل شيء وللشعر عندك مقام صح بوحك |
سفر المعاني
صح لسانك مدد دمت ودام نبض قلمك تحياتي لك |
صح لسانك ايها السفير العملاق سفير المعاني بجدارة
بس ياخوي ليتك خليت لنا مجال لو سوالف ومثل ماقال العملاق اخونا خلف العاطفي لو غصن اخضر ولك ياسفير المعاني كل الود والتقدير والاحترام بالتمام |
الغالي سفير المعاني صح لــسانك ياطويل العمر :) دربك خضر في مايرضي الله ويرضيك ولله درّك يا سفيرنا أمتعك الله بماتحب . |
الساعة الآن 07:29AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية