|
وش رجعك
السلام عليكم ورحمة الله وبركاته أسعد الله أوقاتكم مجرد متواضعه وأنتفاضة أحاسيس علها تحظى ببعض الرضى * ياللي رغبت البعد يوم إني أبغاك ....................... وش رجعك أصدق وقول الحقيقه وقتٍ مضى لو كنت حاضر فلا ألقاك ....................... وأحسب حساب لشوفتك بالدقيقه ياما تحملت المتاعب على رضاك ....................... وياما ضحكت وداخل الصدر ضيقه وياما مشيت الصعب من شان رؤياك ....................... وياما اللسان من التعب جف ريقه وياما بخلت بحق نفسي ولك هاك ....................... وأقول عادي من صديق لـ صديقه وياما لشوف العين كذبت وأدراك ....................... وسمّك أشوفه شهد وأشرب رحيقه واليوم أنا أقنعت نفسي بجفواك ....................... كلك ذهب مغشوش يخدع بريقه وأسألك باللي خالقك ثم سواك ....................... " الخاين الغدار " منهو رفيقه ؟؟ علاجك جوابك كان بك جنّ صحاك ....................... ثم تعرف للصح وأمسك طريقه !! وأنا فلا تشره عليّ وخذ دواك ....................... " الهجر والحقران وأنت بحريقه " :rhb: |
مليون صح لسانك وهذا الشموخ
رغم مافيها من ألم في اكتشاف صبغة صديق الا انها تحدد الطرق بلغةٍ فائقة الاخلاق رغم التضاد اجمل تحياتي وتقديري استاذي |
هبوب الشمال
كتبت وابدعت صح لسانك يالجزل تحياتي . |
الغالي
الشاعر هبوب الشمال الله انه يسعدك بجميع اوقاتك بكل خير ولقد اسعدني ان اكون ضمن المصافحين لهذه القصيده الجزله ذات المضمون والمعنى الناري وحقيقة رغم قساوتها الا انها شعر متقن وجزل وصح لسانك وعلا شانك مليون ولايكفون وتقبل تحياتي |
آآآآآآآآآآآآآآآآآآآآآآآآآآآآآه
جبتها صح طال عمرك شاعري العزيز صح لسانك وسلمت اناملك المبدعه اي وش رجعك عقب الجفا والبعد خلاص لاي فات مات |
خالد البرمان صح بدنك طال عمرك لتواجدك لون آخر أينما كُنت كل الشكر والتقدير |
عقاب صح بدنك وعزالله ماخاب راجيك : الله يسعدك |
الوالد المنُصح والأخ العزيز : سفير المعاني صح بدنك طال عمرك وأشكرك على الحضور الدائم |
الأخت العزيزه .. الادمي صح بدنك وكل الشكر لحضورك هُنا لك التحيه |
صح لسانك حتى ترضى
لاهنت طال عمرك |
| الساعة الآن 10:45PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية