الليله الدنيا على كف عفريت= يرقص بها الشيطان والبال ضايق
مجنون واعطتني حشيشه وكبريت =عاقل واعاملها بكل الطرايق
صارعت هجمات المشاكل وعانيت =كل الدروب أضحت صدوف وعوايق
للنوم وطيوفه ركنت وتمنيت =العين تبغى النوم والقلب فايق
من ضجة همومي نهضت وتعزويت=انكر ظروف الوقت لوهي حقايق
من دلة السم المعتق تقهويت =يا علقم أيامي شكا منك ذايق
حتى العسل في ذلة النفس حلتيت =حرام ماهو للمطاليق لايق
عن واقعي عمد وقناعه تخليت =ألبس قناع الكذب واقول رايق
ياما عن صغار المعاني تساميت =ولانا مكلف في خطا كل بايق
شبيت نار العزم عمد وتحديت =يسوقني لمصارع الكود سايق
العمر كله يا عذابي تماديت =يا حسرتي عمر السعاده دقايق
أبعدت عن جرح الشعور وتنحيت =أسراب غيظي بالتسامح عتايق
بالأرض في وهم السعاده تمشيت =أشاهد الصحراء مروج وحدايق
على ضفاف انها رالأحلام مرّيت =ورداً تغطرف غي للعين شايق
إن زانت الدنيا فرحت وتهنيت =وإن شانت الدنيا عساها الحرايق
والشاعر اللي قال في ما مضى بيت=صارت رجالاً مع رجالاً علايق
يا كثرهم يوم انتبهت وتحريت =كثر العلايق والتجارب وثايق
ياالله يا علام ما اظهرت واخفيت=أحظى بظلك يوم عرض الخلايق

الغالي
الشاعر
عبدالله المفضلي

الله يسعدك ويوفقك بجميع اوقاتك

قصيده تستاهل القرأءه والتمعن لما

بها من سعة افق ومعاني متكامله

صح لسانك وعلا شانك يالغالي


وتقبل تحياتي