الامير عبدالعزيز بن فهد
سلام ياعبدالعزيز ومساء الخير=يسعد صباحك واقبل أزكى التحايا أسوق لك ذود المدايح مغاتير = تكاثرت برياض جودك رعايا واسوق لك خيل الكرامه طوابير= استوطنت ميدان مجدك سرايا واصب لك صفر الدلال المباهير= بالهيل والشكرالمثنى ملايا للفجر نور وللمراجل بواكير= وللسيف حد وللنجابه مزايا جدك وابوك ملوك شعب ومشاهير= سادات يعرب باختلاف الروايا مغوار وآل سعود روس المغاوير= الله رفعهم فوق بين البرايا أهل السيوف القاطعات البواتير= ترهب هل الغايات سود النوايا لو صارت الأيام سود مناكير= بايمانهم جل المصايب ضحايا ماشوفها توفي غرض كلمة أمير= أشوفك أكبر في كبار السجايا وجه السعد وجه الفرح والتباشير= هداج تيما للكبود الظمايا أحلم من أحنف في كثير التدابير= والحر ما يحتاج كثر الوصايا عندك هل الحاجات مثل المسايير= حليت بانصافك عقود وقضايا عندك عموم الشعب ورد ومصادير= وقتك ومالك للرعيه هدايا لأهل النوايب ماتجيد المعاذير= تخفي يمينك عن شمالك خفايا يأتيك من حمله ثقل شامخ النير= سوت همومه في حياته سوايا يرجع من الفرحه يغرد كما الطير= أما كذا والا بلاش العطايا طهرت بدموع اليتامى المقاصير= روح النقاء من مهلكات الخطايا ياسيدي زادك تواضعك تقدير= الناس تدري والمشاعر مرايا عيبك خذيت الطيب كله عن الغير= أقصيت ماخليت لوهي بقايا والطيب ثوب تكتسي به مناعير= هندام والرديان عاشوا عرايا أكتب لك اعجابي بالاشعار تعبير= عما يكنه خافقي بالحنايا وأقولها بلسان كل الجماهير= الله يجيرك من سهوم المنايا |
الغالي الشاعر عبدالله المفضلي الشمري اسعدك الله ووفقك بجميع اوقاتك بكل خير سرني واسعدني ان اكون اول المصافحين لهذه القصيده والموجهه لصاحب السمو الملكي عبدالعزيز بن فهد وما بها من شعر ومعنى وتصوير لصفات سموه ومأثره وافعاله من شاعر متمكن وله باع طويل بالشعر والتميز والابداع وصح لسانك وعلا شانك مليون ولا يكفون وتقبل تحياتي |
شاعرنا عبدالله الشمري صح السانكـ وسلم الله بنانكـ شاعريه ناضجه في مدح من يستحق المدح قهويتنا شعر وجملتنا فخر لاهنت فاضلي |
عبدالله
صح لسانك يالجزل تحياتي . |
عبد الله
صح لسانك ما مدحت الا من يستاهل المدح .. ابدعت يا الجزل تشرفت بالمرور تحياتي رهب |
يعطيك ربي الف عافيه
صح لسانك شاعري العزيز ووالدي الغالي يستاهل لك ودي ووردي |
صح لسانك ونعم فيك ياعبدالله
تحياتي لسموك |
صح السانك ويستاهل سموه لاهنت
|
الساعة الآن 08:52AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية