ياطول ليلي كل ماقلت ياليل
ويابري حالي كل ماجيت ابي النوم

نفسي على مايتعب القلب والحيل
علمتها معنى الصبر درس وسلوم

عسفتها عسف الاصيله من الخيل
وحزمتها لين اعتلت رأس مزموم

ان مافرق عندك وش العدل والميل
لافادك الناصح ولاغيرگ ..لوم

ياصاحبي خلك مثل نجمة سهيل
خلك مثل حر على كسرة الحوم

قه‍وتك ماتعدل مزاجك بلا ه‍يل
وضحكتك اولى لك ولو كنت محروم

ماضيع العالم سوى القال والقيل
ولافرج الحاسد على قلب مهموم


هذا انت ياليلي الى قلت ياليل
مازان نومي فيك ولازانت حلوم

https://youtu.be/SJnQQTsGeKg

عاشق سراب