تعال يا مشعل
تعال يا مشعل ضيف ولا مانت ضيف استلم لاهنت
سلام ردية ٍ فيها الوفا والقدر وسط الصدور = يعم شعارنا ويخص مشعل في كثير السلام .لو قلت لي ذا الزمن فيه العرب تحب كثر الظهور = اقول شفت الحمامه طايره من فوق ام الحمام . . .. |
صح لسانك أخوي رياض وبإنتظار رد أخوي مشعل صح لسانك مقدما يامشعل متابعه معكم |
مـــــــــــــــــــــــــــع الله
يامرحبا ياهلابك والفلك دايم رحاته تدور = وانا من اهل المحل والربع ياصاحب خوال وعمام فطرت مكون جميع الكون سن الصوم قبل الفطور = وابشر ببعض اللحم يابن هديرس والشحم والعظام |
صح ابدانك اختي العنود الشيباني
واشكر اطلالتك البهيه على الموضوع تقبلي جزيل شكري وفائق تحياتي ،،،، اخوك مشعل بن القهيديه |
ياسلام عليك أخوي بإنتظار رد رياض حمستوني حيل شكلي ماني رايحه للجامعه ههههههههههههههههههههههههه |
رياض مشعل ماشاء الله منورين صح الله افئداتكم متابعين |
الله الله استلم لاهنت . . .
أبك البقا وانت تدري غير مدري كيف بعض الامور = والمخرج اللى معه فلمه يدبلج به بليا كلام .شهرين راحت وراع الحفل يكتب ثم يمسح سطور = نقول يمكن تمام ولا حصل فـ العلم شيٍ تمام . . . .. |
اخي عاشق ...
النور هو وجودك بيننا وصح ابدانك يالغالي تقبل جزيل شكري وفائق تحياتي ،،،، اخوك مشعل بن القهيديه |
صح لساااااااانك يارياض بإنتظار ردّك يامشعل لاتتأخر |
مــــــــــــــــــــــــــــــــــع الله
راع القناه الفضائيه بيده غيابهم والحضور = حتى ولو جوّهم صافي غدا جو الطراقي غمام الاشرطة بعد صورها المصور تندفن بالقبور = والبعث علمه مع الله والوكاد ايشيب منه الغلام |
الساعة الآن 01:27PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية