/

/

ما عاد لي بالقاع هذي مقاعيد = يابوك ما ياجب على القعادي
لين اني اوصل زيد و عيال ابو زيد= و الاسره اللي ما يجيها النفادي
نبي نعزيهم عقب دفنه الحيد = اللي بقدره منزله في فوادي
شبه ، أشقر لاتل سبقه على الصيد= حر مخاليبه تفج الثنادي
اشقر عديم يبدد الريش تبديد= يعجبك مطلاعه بوقت الهدادي
و اليا قضى ما جدب نسل الاجاويد= ماهيب صعبه رجعتي للبلادي
ربع لهم في ذروة المجد تمجيد= انشد و تلقى العلم علم وكادي
خوال من هو صار للمملكة سيد= اخوان نوره مفحمين الطرادي