/

/

مرحوم يا مله كرامه و مقدار = و فقيدة للمجتمع و المحلي
مرحوم يا بو زيد يا وافي الاشبار= اللي الى شاف المسير يهلي
يوم اعلن الرادو وفاته بالاخبار= انتل قلبي من عراويه تلي
يالعين هلي بازرق الدمع مدرار= و لجى بعبرات البكى و استهلي

على الذي وافىالمنايا و الاقدار= بيوم و عمره وافي مضمحلي
يا لله يالمعبود نجّه من النار = ياللي على العرش الرفيع امتعلي
وصبر ذويه و عيلته صبر الابرار= ياخير لطالبته ما يخلي
ما مات من مثله بقى عقبه احرار= وبقى الادب جزل ودق وجلّي
وسجل له التاريخ قالات و اذكار= بمزاج زاج فوق صفح السجلي
عز الرفيق و مدهل الضيف و الجار= ولصعب عسرات المشاكل يحلي
راع الكرم و الحزم و العزم و الكار= و المجد بالرجل العزيز الاجلي
محمد بن احمد للأمثال بيطار= وهرجه الى جا بالمجالس يسلي
بيطار مشهور للاريا و الاشعار= ومجالسه دب الدهر ما يملي
يبكيه محتاج ولا جي ومرار = وبيت الكرم كل لدربه يدلي
ويبكيه شيبان و شبان وصغار= وتبكيه نابيه السنام المتلي
ويبكونه رجال الادب كل ما دار= فيه المجال و دار ذكره وحلي
ويبكيه بدوان ويبكيه حضار = و من عرف شخصه بالعباير يهلي
ومنيفة اللي للمسايير تذكار = وقصر بعالي جالها مستقلي
يشرف على الغرس المضاليل و الدار= وبيت كما الطود المقيف مظلي
فيه الدلال اللي بها البن و بهار= ونمارق مصفوفة فوق زلي
و نجر كما ذيب الخلا دوم سهار= ومناسف ترمى على كل جلي
من فوقها حيل مواحيل و كثار= وقوله هلا من خاطر مسفهلي
الختم صلى الله على خير الأخيار= عداد ما رفع الندا للمصلي