|
صور تخرجي حياكم الله (ليل)
السلام عليكم ورحمة الله وبركاته تفضل سيدي صاحب السمو أمير البلاد الشيخ صباح الاحمد القائد الاعلى للقوات المسلحة فشمل برعايته وحضوره صباح أمس حفل تخريج الدفعة (38) من الطلبة الضباط والدفعة (23) من الطلبة ضباط الاختصاص والدفعة (4) من طالبات معهد الهيئة المساندة وذلك في ميدان اكاديمية سعد العبدالله للعلوم الامنية دخولنا من البوابه انا اخر صف اول واحد في البدايه اشكر اختي النجلا على الموضوع الاكثر من رائع والذي اثلج صدري وصارت الفرحه فرحتين لانكم اهلي وحبايبي وبيض الله وجيهكم كلكم وقفتوا معي وشديتوا من عزمي في لحظه كدت ان اضعف فيها وانسحب نتيجه للعذاب والتعب ومن شدة التدريبات صرت اعرج ولا اقدر امشي من ركبتي ولله الحمد مع اصراري عالجوني وصرت اضرب الارض برجلي اهزها هز وكان دخولي في الاكاديميه بشهر رمضان ومارسوا معنا جميع انواع التعب واحنا صايمين في الجو الحار ويرجع الفضل لكم من بعد الله سبحانه وتعالي وخصوصا عمي ابو محمد سفير المعاني كان معي لحظه بلحظه وكان يشجعني ويقوى من عزيمتي ولا انسى عمتي كل ما اشوفها واتذكر اللي سوته معي اقول لازم اكمل واصبر وكملت وصبرت الله لا يحرمني منكم ولا من كلامكم الجميل والتشجيع لجميع اخواني واخواتي في المنتدي وها انا الان امامكم تخرجت ولله الحمد وجبت لكم النجمه اهديها للمنتدي اداره واعضاء وعضوات كم هو جميل ورائع ان يتحقق حلمك من بعد ما تكون مجرد فرد في المجتمع الى فرد ذات مركز مرموق ويكون وطنك امانه في عنقك وتكون مسؤول عن كل فرد في بلدك وتوفر له الراحه والامان بل ليس في بلدك انما الخليج كله لان العسكري كل الخليج بلاده وكلنا نتذكر الغزو العراقي الغاشم على الغاليه الكويت شارك فيه كل الجنود البواسل من خليجنا الغالي المملكه العربيه السعوديه وقطر وسلطنة عمان والامارات وابارك لجميع زملائي الدفعه 23 ضباط اختصاص وللطلبه الضباط دفعه 38 اخليكم تستمتعون مع الصور ومن الخريجين معي طالب ضابط ولد عمي الملازم محمد عادل له اربع سنين في الكليه ويقولي صج قهر انا اربع سنين وانت ست شهور وتاخذ نجمه مثلي قلت ابشرك بعد ست شهور اشد النجمه الثانيه واصير ملازم اول وانت على حالك وراح تضرب لي تحيه هذه من الواقف الحلوه بعد التخرج ومن المواقف الجميله ان الطلبه الضباط اللي ما تخرجوا الي الان وهم يباركون لنا يضربون لنا تحيه بعد ما كنا ناكل ونشرب مع بعض حالنا حالهم فعلا الشهاده مهمه في حياة الانسان اترككم مع الصور يا اغلا ناس عندي في الدنيا احبكم احبكم احبكم كلكم |
... ماشاء الله كل العائلة متواجده و الله تستاهل يا خالد كل خير و الف مبروك و حطيت لك انشودة يابلادي تستاهل والله إهداء بسيط و الله يحفظ لك الوالد و العمه و الاخوان و الاخوات موفق طول عمرك ان شاء الله كل التقدير ريف .. |
الغالي الملازم خالد
السلام عليكم ورحمة الله لقد اسعدني كثيرا تخرجك وتحقيق رغبت عمتك ووالدك وهم رغبتك الشخصيه فمن جد وجد ومن زرع حصد وها انتم بكامل اسركم تعيشون فرحة النجاح وكله من جدك واجتهادك لقد رفعت راس اسرتك انت وابن عمك وفقكم الله لخدمة البلاد والعباد والفرحة ليست فرحة اسرتكم فحسب فهنا الجميع فرح من اجلك واتقدم بالتهنئة لوالدك وعمتك واسرتك فردا فردا ولك شخصيا ولابن عمك كما اني اسال الله ان يوفقك ويصلح شانك وان نراك وانت تحمل رتبة لواء وفقك الله تقبل تحياتي |
أخونا الغالي ليل .. موفق خير إن شاء الله !!
والف مبروك .. والله يديم الفرحه عليك وعلى الأهل كلهم .. وانت تستاهل كل خير !! والله يحفظ لك الوآلد والوآلده وإخوتك . . ويحفظ الكويت الحبيبه .. تحيتي لك |
الله يدوم عليك الفرحة ويسعدك ويسعد اهلك فيك ويحفظك بحفظه ويوفقك الى كل خير ونشوفك معرس
اظن اهل كيفان يصيرولك |
ما شاء الله تبارك الرحمن ليل الله يوفقك وين ما وجهت مبروك مبروك مبروك والله فرحنا لك حيل صور رائعه الله يحفظ لك كل احبابك تحياتي لك رهب |
::
الف الف مبروووووووووك وان شاءالله فرحتكم دووووووم مو يووووم يااارب موفق :r: |
ماشاء الله تبارك الله الف مبروك اخوي ليل وربي يحفظلك لك غاليك وأسأل الله ان يجعلها عونِ لك على طاعت وان يوفقك لخدمة دينك وأمتك ووطنك دمت بتوفيق الله وحفظه |
ليل ما شالله تبارك الله صور رااائعه عسى ايامك سعاده ددددوم |
يالبييييييييييييييه يافرحه الكويت بشبابها الله يوفقك ياليل ويفرح أهلك فيك أكثر وأكثر وصدقني ماسويت اللا القليل القليل في حقك ياخوي الله يعلم إني فرحانه لك ولكل شبابنا مع فرحه الكويت فيكم موفق في باقي حياتك إن شاء الله إختك .. نجلا |
| الساعة الآن 08:45PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية