ســـفير المعــانـي ..!
خاطرة من خاطري اختارت الأتجاهـ الصحيح الذي تلجــأ اليــه ..! سـريت باحساسي وانا صدق منجوم والجــدي قدامي سفير المعاني ابو محمد لبّس احساسي نجوم الله على طيِـب الأصل والمجاني حفلة شعر فيها المشاعر غدت قوم وصدق النوايا درهمن للمعاني عبرت في بحرك وانا جاهل العوم و أدوّر احساسي بصوت الأغاني شكري ولا يوفي من الناس زيزوم شعري ولا يَعبُـر وجيه ألأماني والا انت راع الاوله دايم الدوم مـا تنلـحق لو يـاقفـن الثــواني وفيت لوماانت بـ على الناس ملزوم لا شـك من طيب الأصل والمجاني دعيتني عـلّك من النـار محـــروم الله يـديمــك يـا ســفير المــــعاني |
الغالي الشاعر عبدالله حاشم الشمري :h27::h27::h27::h27: السلام عليكم ورحمة الله اولا احييك وارحب بك بعد غياب طال واشكرك على حضورك وعلى هذه القصيدة اللتي حتما مهما رديت لن اوفيك ما تستحقه ويكفي انك بالقلب ومتربع يابعدهم اهلاً هلا بالشمري صاحبي دوم = يامرحبابك من سفير المعاني محشوم يا عبدالله اليوم محشوم= مانته بمنجوم ولا انته باناني طيبك قديم وزدته بطيبك اليوم= معلوم طيبك عند قاصي وداني رجل(ن)تجيد الغوص بالبحر والعوم= لا وا هنيك يا سهيل اليماني تهنى بزين الجو والناس بالنوم= قست البحر والبر يا المودماني انته رفيق(ن)من قديم (ن) ومعزوم = حقك انوفي لك ونملاء الصواني من كان مثلك ما يجي فوقه انجوم = مرفوع فوق الجدي يا مسلماني للجميع تحياتي |
من كريم الى مستحق
شكري ولا يوفي من الناس زيزوم شعري ولا يَعبُـر وجيه ألأماني والا انت راع الاوله دايم الدوم مـا تنلـحق لو يـاقفـن الثــواني وفيت لوماانت بـ على الناس ملزوم لا شـك من طيب الأصل والمجاني دعيتني عـلّك من النـار محـــروم الله يـديمــك يـا ســفير المــــعاني وصح لسانك ياقدير مع اجمل تحية وتقدير |
استاذي الكبير القدير سفير المعاني الإنتقال من جَمال الى جمَـال هو ليس جمال آخر لأن هذا هو الجـمال أنــت / أسلوبك و قراءتك / و حروفك ومـا بينك و بـينك شــعر في شـــعر كما عهدتك استاذي صــح الله قلبك ولسانك |
الشاعرالرائع ... عبد الله حاشم الشمري صح لسانك وعلا شأنك قصيدة جميلة استمتعت بقرائتها ويستا هل ابو محمد مثل هذا الإطراء الراقي من شاعر متمكن دمت في رعاية الله |
خالد البرمان
رفع الله قدرك يا كبير شرفتنا بـ مرورك القدير |
عــابر سبــيل
ما عليك زود و شهادتك بحجم الفضاء وتزود الف الف شـــكر |
والنعم بالمادح والممدوح
والنشامى طيبهم دايم في زود اهنيكم بصدق ، والله يحفظكم ويرعاكم |
صصصصصصحت قلوبكم
اسناد مدوي ورد واثق ابدعتو ويستاهل الغالي ابو محمد الثنا يبيض الله وجيهكم على هكذا مساجله اطيب التحايا |
صحت قلوبكم و صحت اللسنتكم
كفو بالمادح و الممدوح وانا اشهد انكم تستاهلون كل خير كل التقدير اخوكم ريف |
الساعة الآن 11:35AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية