مرثية الشاعر متعب العنزي (بسموه)
/ / البارحه سهران بالليل ما نمت = ما نمت كل الليل في حزن و عماس اخفى دموعي من نشد ما تكلمت= كل نشدني عسى ما شر لا باس حزن عظيم منه لازمت بالصمت= لو أن قلبي يطرقه مثل الاجراس على فقيد عقب فقده تحطمت = شيخ شمخ ذكره بطيب مع الناس شيخ بذل بالخير و الطيب في صمت= يبذل بماله دون عدٍ و لا قياس يعطي ولا هو يكثر القول و الشمت= نفسه خفيفه كل قربه لك او ناس شيمه ووافي وان نشدته تعلمت= طرق الرجوله بينه فيه نبراس شيخ شجاع ولا سكت لأهل الزمت= اهل النفوس اللي بها خبث وحساس وياما اعتق الارقاب لله في كمت = ما قال أنا سوّيت و ارجى من الناس مرحوم يابوزيد ولربك اسلمت = روحك عساها في نعيم لها اقداس يا لله عسى قبرك وسيع ما هو صمت= ويحط لك ربي بخضراه مجلاس عزاي بافعالك و ما كان قدمت= عز الله أنك باني الخير في ساس و عزاي لاخواني عيالك و عممت= مشاعري بدموع و دموع بحساس وكل يعرف انك بطيبك تلزمت= للي يجيك و جيتك ترفع اللاراس و الله ما ظنى بكلمة بك توهمت = شي وكاد و كل قولي على ساس |
الساعة الآن 03:40AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية