|
رد الأمير محمد السديري على الرسالة
بسم الله الرحمن الرحيم مســــــــــــــــــــــــــاء الخـــــــــير عليكم مثل ماقلت اني راح انزل رد الأمير محمد الأحمد السديري على الرسالة المرسلة من الشيخ غازي العتيبي رحمهم الله وفيها يقول بديت باللي ينقص الخلق و يزيد ذكره على كل المخاليق بادي حي الكتاب وحي ذكر الأجاويد عد الليالي المرمسة والجدادي أهلاً وسهلاً بالمطرش تراديد عداد مايمشي القلم بالأيادي أهلاً عدد ماهل وبل الرواعيد تحية فيها لذيذ الودادي جاني كتابك يابعيد المواريد تشكي من اللي مثل ظبي الحمادي إن كان تشكي من هوى نافل الغيد طفل حبل لك يالعصيمي وصادي جمه ربت بين محص ٍ والغراريد ماذارها بمروك الملح قادي في مهمة يطرد سرابه مع البيد تقطف زماليق الزهر بالركادي أنا معك بالحال والمال والإيد نمشي على نشر الحبيّب عنادي نمشي قصاد ولا نطري تصاديد نمشي على درب المخاطر عمادي ناخذ على نشر الحبيّب تغاريد ولازم يجي والعز طيره ينادي إلى مشينا بالنمش والبواريد نرمي بهم للطير يوم التنادي والحب يرّث للمولع تناكيد دايم وقلبه عامر بالجهادي خل الثقيل من الهوا يقطع القيد وكم واحد جسمه من الحب بادي ضعّف قلوب أهل الفعول الصناديد اللي فعايلهم تخيف المعادي هرج صحيح من صدوق المواعيد يشهد به التاريخ هرج وكادي نمشي وهل سرد الحكايا ملابيد يوم يجدع به سوات الهوادي بياعة الإحسان شراية الكيد إثقال النفوس مكثرين الدوادي اللي على عوج الروابع مجاليد ذولاك مايمشون ممشى القوادي والفيصلي صياد الاضداد ماصيد قطاع وا مضى من حدود الهنادي مفراص يقطع قاسيات البواليد محد لممدوح الفعايل يشادي طيب وحاش الطيب من غير تحديد وادي يسيل كوثره كل وادي وبالله سلم لي على نايف الحيد تراه ياغازي سمي المهادي اللي على الطولات خيله ملابيد وزبن الضعيف إن جاه حاديه حادي هو مزبن اللي مالقاله مجاويد مجرب جوده على الجود زادي تنشرله البيضا مرار وتراديد يوم الردي يغشاه لوم و سوادي وشكرا |
قصيده رائعه ومفعمه بالجما ل والعذوبه
لفارس الشعرالاصيل الاميرمحمدالسديري رحمه الله واسكنه فسيح جناته ورحم الله الشيخ غازي العتيبي وجميع موتى المسلمين ابداع يتجدد منايرالؤلؤ بارك الله فيك يالغلا ولاتحرمينا جديدك كل الشكروالتقدير لشخصك الكريم دمتي بخيرومحبه |
اقتباس:
أهلين وسهلين بالشموخ يابعدي تسلمين واشكرك على الرد |
مناير .. ممنونه لك وضع القصيدتين وهذا كرم منك لا عدمتك وان كان لديك اي شيئ يا ليت ما تبخلو علينا تسلم الانامل لا عدمتك وكم انا سعيده بها رحم الله الشاعرين واسكنهم فسيح جناته تحياتي لك رهب |
اقتباس:
مشكورة يالذهبة على الرد الرائع ان شاءالله اكتب لعيونك خصيصا وعيون كل اللي في المنتدى قصايد من شعر المرحوم الشيخ غازي واتمنى انها تعجبكم |
رحم الله الشاعرين
وفاء وجزاله ,, ومعاني سمان وإسلوب فريد باختيار المفردات ,, لابد ان نحفظ لهم ,,, ليخلد ابداعهم تسلم يمينك يامناير وبيض الله وجهكــ |
مناير الف شكر لك على اضافت الرد لموقع رهب
وبلا شك موضوع اضاف لنا الكثير وجديد علينا هالرساله دمتي بخير |
اقتباس:
هلا أخوي سلطان الوفاء تسلم وجزاك الله خير |
اقتباس:
هلا أخوي شامان تسلم وجزاك الله خير |
الغاليه الاخت مناير اللولو حياك ربي واسعدك بجميع اوقاتك ومشكوره على حضورك المبهج بقصيدة الامير محمد الاحمد السديري اسكنه الله فسيح جناته انه سميع مجيب بيض الله وجهك ووفقك لما فيه الخير وتقبلي تحياتي |
| الساعة الآن 04:29PM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية