يقول من بايات فكره تكلم =ايات مصدرها خفي الضماير
ان دك بي داكوك قمت اتعزم =اخفيه لو انه على الروح جاير
اخفيه عن ما كان لو هو ولد عم =لا قابل شوره ولا هو بشاير
اخاف ابوح السر ثم اتندم =ويدري بسري مفشي السر باير
الناس بلوى الناس بالحكي تظلم =وبعض الصغاير يجعلونه كباير
كم قالة بالحكي قامت تعظم =كبرت ولو هي من صغار الصغاير
تلقح وعند ولادها ينثر الدم =ويلفحك من حامي هواها سعاير
تالد كسوب وبين الاشرار تتوم =تتوم وبتلاها تجر الجراير
واليا ندهني واحد قلت له سم =بالطيب قلبي ما تمهل يخاير
ياما على الشدات نصبر ونجزم =ان ضيعت بعض الرجال البصاير
ان قامت الاريا تفرق وتلتم =لا ضائع رائي ولا نيب حاير
وان كان بعض الناس بالضيق تهتم =امشي بدربي باوسط الضيق ساير
وان شفت من هو من زمانه تهظم =قلت الهظايم للعذاري براير
وان شفت ميلات الزمان وتظخم =بالعزم هو والحزم شفت البشاير
احد بفعل الطيب يذكر ويحشم =واحد عن الطولات حاير وخاير
لعل بيته بين الابيات يهدم =هذاك حواش الردي والخساير
يا بعد فرق الناس كافر ومسلم=تخيروا يا مد ورين الذخاير