لبى العيون الناعسه يااريـش العيـن=ولبى الخدود اللي زهت حبة الخـال
للزين في وجهـك لعينـي عناويـن=وحمر الشفايف يالغلا تتعـب الحـال
واللولو اللي صفهـن يعجـب العيـن=مع الضحكه الخجله على القلب غربال
وشعرن يضيعني ولاادري على ويـن=لاهب نسناس الهوى بالشعـر مـال
والصدر ذوق وزاهي الصدر الاثنيـن=وكن القمر في لبـة الصـدر يختـال
ياريـم لاجيتـي عـذاب المزاييـن=ياشيخة الزينات فـي كـل الاحـوال
يغيـر مـن زينـك بنـاتٍ كثيريـن=مالومهـن ياريـم والزيـن قـتـال
ياملهمـة شعـري وذوق المحبـيـن=قلبي معك فـي كـل لحظـه ولازال
ياوردتـي ياللـي تسـاوي بساتيـن=متى يروق الوقت في راحـة البـال
احساس شاعر يعشق الفـن والزيـن=وعشقي لزينك فاق عن كل الامثـال