ابيـك تكبـر والمصيبـه تكبـرت
البارحه مابيـن وشلـون يمديـك=في يوم واحـد ياحبيبـي تغيّـرت الليـل خلانـي وخـلا طواريـك=تلعب بقلبي كـل ماداخلـي ثـرت سويت شين حدني غصب ماجيـك=والا قبـل لاسيـر الليـل سيـرت هدمت كل اللـي بنيـت بتجافيـك=هدمـت لا والله بالعـون دمـرت خليتني ماقلت لـي شلـون اخليـك=ليتك بحالي قبل مارحـت ناظـرت الله كريم يصبـر اشـواق مغليـك=لاقـام ينثرنـي غـلاك وتناثـرت والله يسامح قلبـي اللـي مواليـك=اخذت كل اللي تبي منـه وانكـرت منهار جيت العام تسبق خطاويـك=واليوم ماكنك قبل جيـت وانهـرت في ذمتك لامن تذكـرت ماضيـك=من يطري في بالك اليامن تذكرت ؟ من كثر مافكرت وشلون اراضيـك=وياك في نفسـي ولا يـوم فكـرت على كثر ماكنـت متمسكـن فيـك=وعلى كثر ماحتجتنـي ماتعـذرت جيتك وعندي حاجتن بين اياديـك=والمشكله تقـدر عليهـا وقصـرت رح بشر اللي ملتفت لـك يناديـك=قله تركتـه لخاطـرك ماتأخـرت صدقني انها غلطتي يـوم اداريـك=ولا انت لولا غلطتي كان ماصرت كبرتـك بعيـن البعيـد وحواليـك=ابيـك تكبـر والمصيبـه تكبـرت حاولت اغيّر فيك من كثر مغليـك=قـدرت لكنـك عليّـه تغـيّـرت ثامر شبيب |
في ذمتك لامن تذكـرت ماضيـك من يطري في بالك اليامن تذكرت ؟ صح لساااااانه ولاهنت اخوي سلطان تقبل مروري |
سلطان بن دحيم
صح ألسان الشاعر ثامر شبيب ويعطيك العافيه على النقل الاكثر من رائع لاعدمناك |
الساعة الآن 07:24AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية