يسعد صباح الذوق ياكامـل الـذوق=ويسعد مساء شعرٍ لوصفـك تـذوّق
لوصفك حروف الشعر يدعيهن الشوق=لفرايد اوصافـك قصيـدي تشـوّق
يروق فيك الشعـر وارتـاح واروق=بذكراك واوصافـك خيالـي يـروّق
ياللي مكانك غير كل البشـر فـوق=عندي . ووصفك بالجمـال متفـوّق
انا دخيـل الخـد والقـد والمـوق=وخصرٍ عليه من الحرير المضـوّق
يادانـةٍ ماسعروهـا هـل السـوق=محجوبة ٍ عن عيـن كـل متسـوّق
اسج مع ذكـراك واغيـب وافـوق=تقول من كـاس السكـارى مـذوّق
تمشي بي الاقدام يمـك بـلا عـوق=وان رحت مقفي عنك كنـي معـوّق
يسعد مساء اغلى البشر كامل الذوق=ويسعد صباحه شعري اللـي تـذوّق

المشاركة الأصلية كتبت بواسطة عهد (المشاركة 137375) اسج مـع ذكـراك واغيـب وافـوق تقول من كـاس السكـارى مـذوّق الله مقبل الفهد رائع -

المشاركة الأصلية كتبت بواسطة عبدالكريم الضبيب (المشاركة 142014) الله .. الله .. الله يامبدع . كم يعجبني هذا الحضور الذي لايوازيه حضور . ماشاء الله عليك . وكأني أسمع بيتهوفنيه نبطيه بأسلوب مقبل الفهد . صح لسانك .. تحياتي لك .

المشاركة الأصلية كتبت بواسطة ملك الظلام (المشاركة 142289) ما شاء الله تبارك الله اخوي مقبل رائعه رائعه تستحق الوقوف والتمعن في كل مفرداتها صح لسانك دمت بخير في حفظ الله

يسعد مساء اغلى البشر كامل الـذوق ويسعد صباحه شعري اللـي تـذوّق