باسم رب البيت علام الخوافي=الجليل المعتلي منزل اكتابه
نسجدلوجهه ولاغيره نخافي=ماحدن غيره ترجيناثوابه
واحدن لاجله سعى المسلم وطافي=يطلب ارضاه ونجاتن من عذابه
سقت زين القيل واجبرت القوافي=سقتهامن خاطري ماهي نهابه
آزن المعنى لقافي لين يافي=والهزيل اجنبه واحسب احسابه
آخذالجزلات واكب الصخافي=كوديطفن علة القلب وصوابه
ماذبحني بالهوازين الاشافي=ماسهرت الليل من طولة اغيابه
الهموم اللي على قلبي اردافي=من زمانن قام يمزرني بنابه
كل ماهبت هبوبه لي سوافي=كل ماقلت انجلى ينشي سحابه
والله اني في لذيذالنوم غافي=يعترض للفكرهاجوس وسرابه
صارلي افراش ووسادولحافي=ضنتي مايعلن الهم انسحابه
وقتن اقشرصايرن فيه اختلافي=لانوابالغدردونك صك بابه
كم بغدره صادمن قرمن اسنافي=ويلدن نال المراجل من شبابه
في علوم الطيب مامل الوقافي=طيبن مرباه ماخاب الرجابه
سن له بالغدرحدات الرهافي=جرعه طعم المراره مع شرابه
لين خلى سكته قوروحتافي=ماينام الليل من شرن سطابه
وكم لاشن عايشن والجوصافي=مشربه سيلن تحدرمن هضابه
وامنن غدرالزمن دايم عوافي=وامنن غدرالزمن بوم الخرابه
يضحك اله الوقت ولغيره مجافي=عن علوم الطيب قاصرتن اركابه
الردى والبخل يبرن له ولافي=لاطلبته فزعتن كن بجوابه
مايهوزاحمولهالوهي خفافي=مايهاب العيب ضارن بالخيابه
يالجميلات اتركن هذاعيافي=لاتطيعن بالردي عافن جنابه
اخذن الطيب وخلن الضعافي=اكسبن الطيب من راع الطيابه
والختام اعدادمانجمن يشافي=اوعدد من طاف بالبيت وسعابه
في رجااللي ماحدن غيره مشافي=طالبه يفرج عنى القلب وعذابه

الغالي
الشاعر
ابراهيم اليحيا

اسعدك الله بجميع اوقاتك

قصيده جزله من راس شاعر

جزل عرف بجزالة معانيه وتصويره

الشعري وحكمه اللتي لاتنضب من

واقع خبرته الله يجلي عنا وعنك غدر

الزمن قصيده رائعه ومفيده من مجرب

صح لسانك وبيض الله وجهك


تقبل تحياتي