الله خلقنـي هكـذا ان كنـت تجهـل ياغـلام=مانـي بـدور دون خطـلان الرجـال معـذّره
سلم المراجل غايتي والطيب شفـي والمـرام=ذودي من اعدود القراح امع الرجـال مصـدّره
مديت لك يمنى الشحم قلطت لك راس السنـام=وآويتـك ايـامٍ لياليـهـا علـيـك مغـبّـره
ادرى عليك من الحكي لا ياصلك منـي كـلام=وخاطرك ادور راحته مـن خوفتـي لا اكـدّره
وبانت حقيقة واقعك يوم انجلى سـود الظـلام=صارت مفاهيم الردى فـي داخلـك متحجّـره
كنت احسبنك راس مال وفالشدايد لـي حـزام=اسنّد لعينـك طويـل الرجـم وانـت تحـدّره
وسليت لي سيف الردى واخلفت من طبع الكرام=وانا الردى سيفه عن رقاب الرجـال مشطّـره
بقول لك بالمختصـر زبـدة كلامـي بالتمـام=وباب النقاش اللي حصل مـن بيننـا بسكّـره
ان كان مثلك فالزمن ردد على الدنيـا السـلام=وادعي لابوك انه على خيبـة رجـاه يصبّـره
من لا يروم المرجله تغشاه صيحـات المـلام=والكسر لاصـاب المبـادي مستحيـل تجبّـره
من لا يصون المعرفه فمشاهده عنـدي حـرام=من لا يقدر عشرتـي فـي ذمتـي مـا اقـدّره

المشاركة الأصلية كتبت بواسطة سفير المعاني (المشاركة 350613) الغالي الشاعر عاسف المهار اسعدك الله ووفقك بجميع اوقاتك بكل خير ولقد اسعدني ان اكون اول المصافحين لهذه القصيده الناريه بمداها وبمعناها والجزله بابياتها انت شاعر مميز رغم انك لست بحاجة لشهادتي وصح لسانك وعلا شانك مليون ولايكفون تقبل تحياتي

المشاركة الأصلية كتبت بواسطة عبدالكريم الروقي (المشاركة 350614) الله الله يا عآسف المُهآر صح لسآنك مليون وبيض الله وجهك .. شآمخه و جزله لله دُركَ تقبل توآجدي المتوآضع..

المشاركة الأصلية كتبت بواسطة ولد الحكومه (المشاركة 350620) عاسف المهار صح لسانك ولد الحكومه كان هنا