تمنيتك من ايام ٍ مضت وهتزلك خفاق=وانا تاره اهوجس بك واهيم بجيتك تاره
اطيق البعد لا والله مرار البعد ماينطاق=اجل ماعلمك قلبي عن الطعنات واخباره
انا وين التقي بك والسنين محملات افراق=يزور الهم صدري وأمتلى صدري بزواره
تعال وبسهرك ليله كريمه صبحها عشاق=تغرب هالقدم وانتي أدياره حن لا دياره
جديلك/ملثمك/ضحكة شفاك/وخدك البراق=عطش لك خافق ٍ مل المضامي وانتي انهاره
تمايل خصرك اليانع وعود الخيزران أشتاق=مثل ما أشتاقت لمعصم يديك وضاقت أسواره
على حمر الشفايف يثمل العندم ولا قد فاق=وترزم للهدب لون السحاب ودنْ قيثاره
ومثل ماسولفت فضة بخلخالك وضك الساق=الا منك ترددتي وفى ممشاك محتاره
ياوهْج اللول من جوف البحور وغادر الاعماق=بصباح ٍ احرجه طلة ضياك وقدم أعذاره
اشوف الليل يمسى فى عيونك والجبين أشراق=عزف لك شاعرك صوت القصيد وبحت أوتاره
يسولف للكرز ورد الخدود حكاية الدراق=على غصن ٍ تمايل بالثمر مابيّن أسراره
كريمة من عطى التاريخ قدر بنشفة الارياق=سليل اكارم ٍ جسرين تلحق غاره بغاره
اسولف بك على نفسي قبل لا كتب على الاوراق=وكتبتك للورق قصة غرام ٍ طال مشواره
تحديت السهر لا جلك حزين وخاطري ما راق=اردد بالخفى نار الغلا واتنهد بناره
نهاية شاعر جالك وذاق من النوى ماذاق=خِذه وإلا غدر فيه الدجى بأيام غداره
غرامك ما عتقني لو بغيت من الغرام أعتاق=على كل أتجاهاتي يشيد شامخ اسواره
وأبيك المدهل الشاسع لو يضيق الفضاء ما ضاق=ترى الشاعر كتب بوحه لعينك وأسدل استاره

اطيق البعـد لا والله مـرار البعـد ماينطـاق


اجل ماعلمك قلبـي عـن الطعنـات واخبـاره


انا وين التقي بك والسنيـن محمـلات افـراق


يزور الهم صدري وأمتلـى صـدري بـزواره



الشاعر

ابو فيصل

صور ما بعد الفراق تصورها كـ شريط يمر أمام مخيلتنا

مبدع في بوحك وتصوير نبضك

لله درك