|
أوآآه ..وغياب
مررت ل السلام ..وفوجئت بحجم غياب الاعضاء ..وسكون المنتدى فكانت هذه الكيبورديه ..وليدة اللحظه
غايب ..يسلم على .. غياب=ومن غاب .. له عذر .. بغيابه من غاب .. عنده .. أكيد أسباب=ويعود .. لازالت .. أسبابه كانو هنا .. بالحروف .. أصحاب=والحرف .. مفتقدن .. أصحابه وكانو هنا .. للحروف .. أحباب=عطر بهم .. صفحة .. اكتابه في حرفهم .. شهد .. مع عناب=اوآآه .. من شهد .. عنابه وأوآآه .. من سكره .. لاذاب=أضيع الحرف .. واعرابه واوآآه .. من نظرته .. مرتاب=لاغار .. وارسلي .. اعتابه وأوآآه .. لاقال لي .. لعاب=لعاب .. يلعب .. بلعابه تلعب .. على مين ؟.. ياجذاب=.(أنا) .. مطير لك ..أسرابه يفتح نوافذ .. ويغلق باب=والريح تعصف .. ورى بابه ذكرى .. ومرت .. حرف بكتاب=عطر .. وعطر به .. اثيابه عطرن .. تهادو به .. ألأحباب=مركون .. في رف .. دولابه وذاللييل .. وش مسهر .. ألأهداب=وش فيه .. ماغمض أهدابه شنب .. وفاقد .. كثير أشناب =والخبل .. ماأحسب .. إحسابه مريت اسلم .. على غياب =ونكات .. للقلب نهابه اغراب .. جينا .. ورحنا .. أغراب=والطيب .. يثمر .. مع أصحابه |
مريت اسلم .. على غياب ونكات .. للقلب نهابه اغراب .. جينا .. ورحنا .. أغراب والطيب .. يثمر .. مع أصحابه سلمت من كل شرياشنب وكل عام وانت بالف خير نفتقدالكثير واولهم شروووواك وانت شاعر بجد رائع ومميز مبدع وصح السانك |
هاذي حال الدنيا
غياب وفراق ,, من دون اسباب واللي تسأل عنه يسأل عنك والظرف غلاب الله يحييك وصح لسانك |
ياذيب ..يعوي لجمع ذياب=توزّعوا..حول هالغابه الصوت ..عبرالمدى..ماغاب=واضح..ومعروف..مرقابه "أنا"..جريٍّ..ماهوهيّاب=يزعج ..بعرفه..ويبدابه واليوم صوته ..بكل اعجاب=حسّيت به يوم غنّى به لكن راسي..وفكري شاب=وهذاالذي ..حاسب حسابه لوجهّزوا..لاجلي المحراب=ماقلت..كلمه..ولاجابَه ياصاحبي..لوزمانك طاب=واعجبك فى رَكْزة اطنابه تراه..يدرج ..كماالدولاب=لوشفت الايام تتشابه عذري..وردّي..بدون إطناب=يازين..شِعرك ..مع عتابه |
الشاعر أنا قصيدة لها في الغياب حكاية ووطن وحرف وأهزوجة عودة وملاذ روح وسربلة نبض يغار غيابها من لهفة اللقاء ! عودا" حميدا" و حرف معبر انحناءة ياسمينة :r: |
اقتباس:
خلف العاطفي اهلا وسهلا .. وحي هالنبا وعاد عيدك ياكريم تعلم بقدرك عند اخيك .. اللذي تغمره بكرم ثنائك ..وحروفك التي تشع بنور النقاء .. اسعدك الله .. وافرح قلبك تحياتي ودمت بخير |
اقتباس:
------------------------------------------- احمد العليان اهلا وسهلا والله يسلمك ويبقيك تشرفت بمرورك ومداخلتك ..ايها الفاضل تحياتي وتقديري .. ودمت بخير |
اقتباس:
اهلا وسهلا مجارات شاعر ومبدع .. وسام يتقلده النص شرفتني به ..وبحضورك اخي الغواص .. اسعد الله روحك
الطيب اللي .. من أصله .. طاب=يعطر الرووح .. ب اطيابه العود الازرق .. غشاه إعجاب=و(انا) تشرفت .. ب اعجابه سبحان .. من للغلا .. وهاب=أغليه .. ذا الذرب .. واسمى به حرن شلع .. في سماه .. وجاب=مايشبع الروح .. مخلابه مبدع مميز .. عن الاتراب=نادر مثيله .. ب أترابه مثله فقيده ..الا من .. غاب=وحضوره الشعر .. يزهى به يفداه .. من بالظهر .. يغتاب=بغيابنا .. كشر.. بنابه وليا حضرنا .. يجيه ارهاب= يزبن .. بكهفه .. وسردابه غواص حرفك .. سحر ألباب=دان الفكر .. طاشه وجابه طواش .. ل الدان .. ف اليباب=ماهبت بحره .. ولا غبابه الحرف يقدح .. مثل شباب = شف .. ولع الليل .. شبابه يقدح شراره .. بروس هضاب=برقن .. وللمجد .. يسرى به غواص توك .. ترى شباب=والشهد ..لازلت .. تحضى به ل التذكره .. خل فيه ..إياب=لاهزك .. الشوق .. لعذابه إرشف ..وتروى .. من إلرضاب=ذابلك .. يحيا .. من ارضابه المزن .. من وبلها .. الصباب=تروى .. الصحاري .. وتحيا به وخوك .. للمرجله .. كساب=ماضيع .. اوصاة .. شيابه مثلك وشرواك .. له اصحاب=والخبل .. مايرافق .. اركابه ولاغره الوقت .. والكذاب =ولا ناعق البوم .. وغرابه صلى وصام .. وقرا بكتاب=نورن .. لمن كان .. يقرا به اسلم ودم .. ياكريم انساب=يامبدع .. آقدر .. اعجابه واسمح وادمح.. على الاسهاب=هيضت (انا) .. فغفر اسهابه |
الله الله ياأخي
حلّقت بعيداًفى سماءالابداع فى البدع والرد ليتني استطيع السيربجانب سفينتك المبحره فى محيطات التألق الشعري المهم أنني حظيت بأكثرمما أستحق من جواهراطرائك . لاعدمتك |
الغالي
الشاعر اانااا اهلا وسهلا بك بعد الغياب وكل عام وانت بخير والله انه يسعدك ويوفقك بجميع الاوقات بكل خير كما انه اسعدني ان اكون من ضمن المصافحين لهذه القصيده الجميلة والرائعه بكل ما تحمله الكلمة من معنى وماتحمله من ذكر وعذر وعتاب وحب صادق حقا شعر راقي بمعناه ومضمونه اللذي له طعم وذوق وهذا غير مستغرب من شاعر له باع طويل مثلك وصح لسانك وعلا شانك مـــــــــدد بلا عـــــــــدد تقبل تحياتي |
| الساعة الآن 04:47AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية