/

/

البارحه دمعي تناثر على الخد = وونست حر الفاجعه في ضميري
واجرحي اللي في ضميري تجدد= ونيت ونه من صوابه كسيري
وغمى عليا من البكاء و التوجد= وخذت له مده طريح السريري
من بعد ما جاني الكلام الموكد = يوم الخبر جاني بموت السديري
مرحوم يا شيخن لك المجد يشهد= و الناس تدعي لكل صغير و كبيري
يا الله تجعل له بجنتك مقعد = و تجبر عزا من صار عقبه خطيري
خصايله بين العرب ما تعدد = ريف الضعيف ورحمة للفقيري
و على العدو ناره سناها توقد = وكل المعارك خاض منها الكثيري
ويضرب بسيف للعدا قاطع الحد= و اللي نجا بايديه اصبح اسيري
وكم قاتد حملات لفسلطين و ابعد= وخاض الجزيره نجدها مع عسيري
زيزومها ابن الشجاع المردد = شيخ الشيوخ الى ذكر كل اميري
منشاه للطولات و العز يصعد= من نشوته ماله شريك و خشيري
ليته تمهل و الاجل له تمدد = ودوّر بداله شخص ما فيه خيري
و الموت حق وكل واحد مهدد = و اليا وقف يومه قضى ما يصيري
و النفس ما تدري ولو موتها غد= علاّمها هو الحكيم الخبيري
دنيا تفرحنا و علينا تنكد= ونكباتها منها يشيب الصغيري