تسوق ليموزين إنت ياااي... معك كلب إنت كوووووول !!!!
 

بسم الله الرحمن الرحيم
أعذروني إذا كانت هناك أي أخطاء
لأن الموضوع [ وليداللحظة ]..!


[ السعوديين والليموزينـات ]

يمكن يعتقد البعض في مجتمعنا السعودي بالاخص
أن سواقه الليموزين والتوصيل من إختصاص الأجانب..
و [ عيب ] إن السعودي يسوق الليموزين ويوصل العالم..
بحجة إن السعوديين أرفع من أنهم يكونون [ سائقي ليموزين ]..

[ لافرق بين عربي ولا أعجمي إلا بالتقوى ]

التوصيل وظيفه شريفه ومافيها أي مساس بالعفاف
ومافي فرق إذا كان اللي يسوق سعودي أو اجنبي..

إذا كان حنا بـ [ يوم ] أرفع مستوى من الاجانب ماديا..
راح يكونون هم أرفع منا [ سنين ] بكفاحهم وإصرارهم..

من ناحية ثانيه..

قبل فترة بسيطة كنت طالعة من السوق وبركب سيارة أبوي
لفت انتباهي سيارة ليموزين يسوقها [ سعودي ] هيئته محترمه..!!
كانت بتركبها بنتين ومعهم ولد.. لما فتحوا الباب
انتبهوا انه سعودي !!
وقالت وحده منهم: وييييه هذا سعودي ماراح أركب معه
أخاف على نفسي يختي منهم.. تعالي بس لليموزين الثاني..!

كل هالكلام .. والرجال يسمع كل حرف !!!!
وبكل أسف.. احنى راسه للأرض والحزن كان واضح عليه..

وش اللي [ تخافين على نفسك منهم ]...!!!
أبفهم وش الفرق بين السعودي ولا الهندي أو الباكستاني
كلهم جنس واحد..
يعني بتأمنين نفسك مع الهندي الغريب
أكثر من ولد ديرتك اللي فطرته من فطرته..؟!!
دنيا عجيبه غريبه!! .. والمشكله ان معهم ولد بعد..!

الحين هذولي شبابنا المفروض نوقف بصفهم ونساعدهم
مو نكرههم بالشغله لما يحسون انها " عار " عليهم..!


..//.. أسئلـــه ..//..

1- بصراحة.. هل انت "مـع" أم "ضـد" سائقي الليموزين السعوديين ؟ وليه..؟!
2- بتئتمن نفسك وشرفك وعرضك مع السعودي ولد ديرتك ولا مع الأجنبي الغريب..؟!
3-وش رأيك بالموقف اللي صار فوق وهل انت معهم أو ضدهم باللي سووهـ..؟!
4- كلمة تقولها بمناسبة هالموضوع..؟!

شاكره تواجدك أخوي خاطر ... ومرررره مشكور على الاضافات الي ذكرتها..

شاكرتك رهب لك كل الاحترام