عشت يامحمد وتهناك السلامـه=عشت يامساعد وزير الداخليـه
قمت بالواجب ولا فيها ملامـه=قاميـن بامـر الله وسنـة نبيـه
تقمع الارهاب وتشتت ظلامـه=مايعيش المجـرم بنفسـن هنيـه
افتعل فعله وهو يعرف حرامـه=واحمد الله ماحصل فينا ضحيـه
منتحر والمنتحـر يـوم القيامـه=حطه الله في لظى النـار اللظيـه
مالقوا من فعلهم غيـر الندامـه=افشل الله خطة اصحاب الرديـه
فكرهم مسموم مافيه استقامـه=كيف حلل قتلهم نفسـن بريـة
مير حنا صف واحد نقف امامه=مانبـدل نيـة البيعـه بنـيـه
دون حكام السعود اهل الزعامه=مانجامل مـن خلاياهـم خليـه
دون دين ودون حكم وفي كرامه=كلبونـا ننتخـي عـز وحميـه
من طمع فينا نكدر لـه منامـه=ولا لجى اللاجي يواجه مقدريـه
ويالامير انت الذي فعله وسامـه=انت فنحيه وغيـرك فـي نحيـه
وانت هامة مجد يوم المجد هامـه=وانت من هاك الحرار الصيرميـه
ياعريب الساس من خال وعمامه=ياقوي البـاس راع الصامليـة
والنهايه واخر القـاف وختامـه=هذي ابيات لسمي ٍ مـن سميـه